|
وحنا ماندري وش السالفة .. السلام عليكم ورحمة الله هذه قصة حب تحكيها قصيدتين تحكي لنا قصه حب غريبه من نوعها القصيده الاولى قصيدة ابعتذر للشاعر بدر بن عبدالمحسن غناها فنان العرب محمد عبده. والثانيه تقوى الهجر او (( لاتعتذر)) للشاعره (( الامل المجروح)) غناها الفنان خالد عبدالرحمن. وكما هو الواضح قصيدة تقوى الهجر ردا على قصيدة ابعتذر يقال وضعوا تحت (يقال) خطين ان الامير بدر بن عبدالمحسن كان ناوي ينفصل عن زوجته اللي هي الامل الجروح لكن ماكان يقدر يقول لها أرسلها لبيت اهلها .. وبعد مامرت ايام ارسل هذي القصيده وفهمت منها انه طلقها مع العلم ان الامير بدر كان يموت فيها بس انفصل عنها لظروف خاصه. وهذي القصيده اللي كتبها بدر بن عبدالمحسن وكلكم اكيد تعرفونها:- ابعتـــــــــــ ـــــــــــــــ ــــذر ابعتذر عن كل شي الا الهوى ماللهوى عني عذر ابعتذر عن اي شي الا الجراح ماللجراح الا الصبر ان ضايقتك اني على بابك امر في ليلة الم اني على دربك مشيت عمري وانا قلبي القدم ابعتذر ابعتذر كلي ندم عن كل شي الا الهوى ماللهوى عندي عذر اتصدقي مااخترت انا احبك مااحد يحب اللي يبي ياحبي المر العذب سكنتي جروحي غصب ليت الهوى وانتي كذب كان اعتذر لك عن هواي مااقول انا كوني معاي ان ضايقك ان ضايقك اني على بابك امر في ليلة الم واني على دربك مشيت عمري وانا قلبي القدم ابعتذر ابعتذر كلي ندم عن كل شي الا الهوى ماللهوى عندي عذر ............... ............... ............... ..... .......... وشرايكم قصيده جنان فعلا بس شووووفوا رد الشاعره (الامل المجروح) وهذي قصيدة تقوى الهجر ((لاتعتذر)) :- تقوى الهجـــــــــــ ــــــــــــر مانجبره من عافنا ماينجبر لاتعتذر راح الصبر لا لا تعنا لي وتمر وتبغى الصبر وين الصبر تقوى الهجر وش لي بقا عندك تدور لي عذر لاتعتذر جرحي عميق والقلب في دمه غريق وتبغى الصبر ويلاه من وين الصبر مهما تقول لاتعتذر مهما تقول من الاغاني والجمل مايحتمل قلبي فديه جبر الالم يمشي معك درب الندم مايحتمل يكفي عليه منك احتمل كذب وغدر حبك سراب ضيعت وقتي اتبعه يكفي عليه وسط الضباب صوتك ينادي اسمعه صرت اتبعه واليوم في صحراء الظماء ترمي فؤادي وتحرقه وترجع تقول ابعتذر ليه العذر دام الهوى ماله على قولك عذر والجرح ياجرحي يداويه الصبر..ليه العذر..؟ الله كريم .. الله عليم هو عالم بالحال ولايمكن يظيم عزاه لك ياقلبي يااحلا نديم عزتي للحب لو يصبح يتيم حبك يتيم وكلك ندم وين الندم بين السطور عمر العدم ماله ظهور ترى هذا غرور تمشي بطريق و أنا بطريق اللي يودي لبعيد عنك يااول رفيق البعد يعفيني المزيد وين الوفاء والتضحيه وينك رفيق؟ وبتجمع اوراق السنين لاتنسى تجمع جروحي ودمعي واهاتي معك وقلبي بعد ماقتلته يارفيقي ماعاد يقدر يمنعك كل الامر عاد بيديك ياخلي ياهاجر .. ماعنــدك عـذر ............... ............... ....... قصه رائعه محزنه صادقه من قلبين يحملان حب جارح اتمنى ان تحوز ع اعجابكم واستحسانكم منقول |
رد: وحنا ماندري وش السالفة .. الله كريم .. الله عليم هو عالم بالحال ولايمكن يظيم عزاه لك ياقلبي يااحلا نديم عزتي للحب لو يصبح يتيم حبك يتيم وكلك ندم وين الندم بين السطور عمر العدم ماله ظهور ترى هذا غرور القصيدتين قمة في الروعة بس هذا الكلام اللي تقوليه الماسة اكيد ان الامل المجروح فعلا زوجته وهي اللي جارته في قصيدته ؟؟؟؟ |
رد: وحنا ماندري وش السالفة .. هلا ابو نواف والله مدري بس شكله اكيد لان القيصدتين تخاطب بعض وهذا واضح والله اعلم بس حلو الزوجين يكونو شعار وبينهم حب تلم على المرور اخوي الفاضل |
رد: وحنا ماندري وش السالفة .. صج قصه حلوووه وتعور القلب وسبحان الله كأنهااا محاوره |
رد: وحنا ماندري وش السالفة .. مره تعور القلب شكرا ياسنيورة على المرور |
| الساعة الآن 06:33 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..