ارقى الدرج والحظ ينزل اصنصير

#1 (**permalink**) 19-02-2008, 10:55 AM

هذي قصيدة لواحد حظه عاثر كنه حظ اللي تكتب كان يحب وحده من نفس قبيلته بس من فخذ ثاني ..

7

7

7

المهم اقرو القصيدة وبتفهمون القصة

7


	كم من جبيناً كـل وقتـه تباشيـر حظه يغنّي له على طـرق وَرقـا وكم من وجيهاًحظها قاعـة البيـر لوهي وجيهاًفي المواقيـف عرقـا ارقى دَرَج والحظّ ينزل اصنصير!! ينزل وانا من عادتـي لازم ارقـا حظاً يعاكس خَطوتي وين ما اسير لامن بغيت الغرب ينحـاز شرقـا حظي بوقتي صار مثل الأعاصيـر بينه وبيـن الزيـن مليـون فرقـا قصة عتيبيـاً جـرى لـه تعاسيـر قلبه مـع الروقـه وعينـه لبرقـا انا وحظي! سالفة راعـي الطيـر ياطير إبـن برمـان فرقـا وفرقـا طيراً من إكبار الطيور المشاهيـر اللي لهـا بيـن المناعيـر طرقـا غذاه إبـن برمـان وبكـل تبذيـر طرحة يده ماجـاه نهبـاً وسرقـا تعب عليـه ودبّـره خيـر تدبيـر وسرح بطيره يدرق الصيـد درقـا وهَدّه بغاه إيصيد ويجيب له خيـر وعَوَّد عليـه بحيّـة الغـار زرقـا حيه وصـار لنابهـا فيـه تغزيـر تدفق بسم ازرق بلـغ كـل عرقـا وداخل وريده صـار للسـمّ تأثيـر سماً زرق في داخل القلـب زرقـا طيراً ذبح راعيه قصـه وتصويـر إعروق ابن برمـان بالسـم غرقـا وده يصيـد وراح فيهـا مقـاديـر مات وعليه إقلوب اهاليـه حرقـا وياحظ ياللي نـازلاً بالأصنصيـر متى ياحظي تلتفـت لـي وترقـا؟

منقول

#2 (**permalink**) 19-02-2008, 12:57 PM

قصة عتيبيـاً جـرى لـه تعاسيـر
قلبه مـع الروقـه وعينـه لبرقـا

ياعمري عليه الله يجمعه بمن يحب

#3 (**permalink**) 19-02-2008, 08:40 PM


	المشاركة الأصلية كتبت بواسطة طفشاااانه


	قصة عتيبيـاً جـرى لـه تعاسيـر قلبه مـع الروقـه وعينـه لبرقـا ياعمري عليه الله يجمعه بمن يحب

هلا طفشانة آآآمين الله يجمع بينهم ويجمع قلب كل محب مع حبيبته شكرا على المرور

#4 (**permalink**) 19-02-2008, 01:21 PM

ارقى دَرَج والحظّ ينزل اصنصير!!
ينزل وانا من عادتـي لازم ارقـا

وصف ولا أروع

.. يعطيك العافيه الماسه على هالأختيار

بس لوعرفنا .. من هو العتيبي أس كاتب الابيات ..

ودمتي

#5 (**permalink**) 19-02-2008, 08:42 PM


	المشاركة الأصلية كتبت بواسطة همس


	ارقى دَرَج والحظّ ينزل اصنصير!! ينزل وانا من عادتـي لازم ارقـا وصف ولا أروع .. يعطيك العافيه الماسه على هالأختيار بس لوعرفنا .. من هو العتيبي أس كاتب الابيات .. ودمتي

هلا همس عاد لو عرفتي اسمه بتعرفينه العتبان كثار بس اهم حاجة الله يجمعه بمن يحب آآآمين شكرا على المرور حبيبتي هموسة

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تدري {يالليل} اني على الجرح {غنيت ,,	محمد	صهيل القصيد	4	10-02-2010 07:30 PM
يامطر ابي هذا الجرح يطهر	صديقة القلم	حكايات من الوجد	10	12-01-2010 03:08 AM
ارقى مطاعم استنبول..	شوق وحنين	من صُنعِ يديها	13	13-11-2009 10:05 PM
نويت انهي حكاوي الجرح....	محمد	صهيل القصيد	6	29-10-2009 01:21 PM
كيف يلتئم الجرح...؟؟	محمد	الوقاية خير من الف علاج	12	07-11-2007 01:19 AM

ارقى الدرج والحظ ينزل اصنصير

صهيل القصيد