|
ان جاد حظك باع لك واشترى لك قليل من يجود به حظه وكثير من يبكي الما على رداءة حظه وانا منهم هذي قصيدة حست في قوقل عشان اطلعها لاني قد قريتها من زمان وحبيت انكم تقرونها وتعطوني رايكم فيها
منقولة .. وسلامتكم |
رد: ان جاد حظك باع لك واشترى لك هالقصيدة رايقة وكلها واقعي فعلاً سمعت منها بيت في شاعر المليون بس ماندري من هي لة القصيدة ؟ مشكورة على القصيدة |
رد: ان جاد حظك باع لك واشترى لك يوم أنك حستي وسويتي مجهود ليش ماجبتي لنا قايلها :( . قصيده رائعه وكثير نسمع الشطر الأول يردد أختيار موفق ودمتي |
رد: ان جاد حظك باع لك واشترى لك وربي كلمات لها معاني بنفسي وياكثر مانشتتكي من هالحظ الحمدلله على كل حال،، قصيدهـ روعه واكثر وذوووق صح السان الشاعر وسلمت يمناك،، يعطيك العافيه ماقصرتي وفا http://www.3z.cc/sml/30/0001.gif |
رد: ان جاد حظك باع لك واشترى لك اقتباس:
خلاص ابشر ياجريح احوس واجيبلك شي يفرح بس اليوم النفسية لك عليها شكرا على مرورك |
رد: ان جاد حظك باع لك واشترى لك اقتباس:
هلا مرجوج والله مدري لمين بس القصيدة او البيتين الاولين معروفين وتوك تسمعها .. شكرا على مرورك |
رد: ان جاد حظك باع لك واشترى لك اقتباس:
دخلت كذا منتدى عشان ادورها كاملة ومالقيتهم حاطين اسم صاحبها وش تبيني اسوي .. شكرا على مرورك حبيبتي |
رد: ان جاد حظك باع لك واشترى لك اقتباس:
|
رد: ان جاد حظك باع لك واشترى لك غاليتي هذهـ قصيدتك المنتقاهـ بروعة ذووقك الراقي وشاكرهـ لك جهودك ,, ولك مني اني جبت القصيده كامله وباسم شاعرهاا للشاعر/ شريف بركات أفهم بنا ما أقول لك طاب فالك ... سعود الفتى بالحظ من غير تشكيك ان جاد حظك باع لك واشترى لك ... فوايده من كل الآفاق تاتيك وان بار بك عزي لحالي وحالك ... وباردى الثمن لزمن يبيعك ويشريك وان جاد حظك بالمجالس حكا لك ... وصدّق مقالك كل من هو يحاكيك وان بار بك كلٍّ يكذب مقالك ... وتصير كذبات الملا كلّها فيك وان جاد حظك بالمنازل بنا لك ... قصر رفيع شامخ الطول يذريك وان بار بك خلاك تنقل عيالك ... من دار الى دار والآخر يجلّيك وان جاد حظك كل شي صفا لك ... وقرايب الخلان كل يصافيك وان بار بك ضلّيت ما أخذ بحالك ... ولا بفنجال من البن يسقيك وان جاد حظك قام واطلق عقالك ... ومشى معك في كل دار يباريك وان بار بك قيّد وثنّى عقالك ... وعن كل درب يردك وثنيك وان جاد حظك كل شي زهى لك ... وتوّجك بتاج العز من غير تشكيك وان بار بك شيّن حلايا خيالك ... الى اقبلت من كل عين تراعيك وان جاد حظك كل شي سنا لك ... يوضي كما القنديل نوره يقدّيك وان بار بك خلاك تتبع ظلالك ... مالك دليل تايه الراي يعميك وان بار بك عزي لحالي وحالك ... أرذل رذيل هافي الجد يوذيك يالعبد لو كثّرت حث ارتحالك ... وعرّضتها درب الخطر والتهاليك تازي بلا حظ بعيد محالك ... وقلوص عزمك بالمهامة تخليك خمسين عام يا فتى ما بدا لك ... او لاح في بالك لزوما يصافيك قل ولّ يا حظي على ما جرا لك ... الى قل عونك ما اجتهادك بيغنيك كتبت مكاتيب الشقا والعنا لك ... قِل ولّ يا حظ الشقا اتعبت راعيك يا حظ لو ذيب المفالي عوى لك ... في مجلس صار به صوت يعاديك يقول لو حظك سعيد نما لك ... عشرة اولاد عضيد يكفيك واليوم لا تامن يمينك شمالك ... يبوق بك اصدق صديق مصافيك بالك يغرك من ضحك او حكى لك ... ولو عطاك من المواثيق يرضيك أحذرك كل الحذر لو هو صفا لك ... بالك تخلي داعي الخصم ياليك تحرّز بسوء الظن وابصر بحالك ... واحذر جليس ضايع الراي يعميك قلت: آه يا حظي على ما جرا لك ... وقت مضى كله على حسن طاريك من سو طبعه ام حكا لك حكا بك ... يرضي رفيقه بالنميمه ويرضيك راعي المكر والبوق والكذب سالك ... وراعي الثنا ضاقت عليه المساليك انظر الى الاقدار فيما جرا لك ... شيوخ القبايل يتبعون المماليك هذا زمان يشبه اللي مشى لك ... الى شاف من هو هافي الجد عاليك فاعزم بعون الله على ما بدا لك ... واقصد إلاه العرش حسبك ويكفيك دمتي دووما بهذا التألق عزيزتي |
رد: ان جاد حظك باع لك واشترى لك قصيده جميله جداً صح لسانك ولسان شاعرها |
رد: ان جاد حظك باع لك واشترى لك مشكور خيتو تسلم على البحث بمحرك قوقل لاهنتي يالغلاااااااا |
رد: ان جاد حظك باع لك واشترى لك كلمات جنان بس ليش الحظ متردي اختي ؟؟ نقول الله لا يجيب الحظ الردي ,,, |
رد: ان جاد حظك باع لك واشترى لك وان جاد حظك قام واطلق عقالك ... ومشى معك في كل دار يباريك هل كل شئ يقف أمامنا نرميه على شماعة الحظ ليس هناك حظ بل اجتهاد وقسمه ونصيب وما أصابك ما كان ليخطئك وما أخطأك ما كان ليصيبك مجهود رائع حفيد |
| الساعة الآن 01:48 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..
