|
بـعـض مـن قـصـائـد مـشـعـل عـوض الـعـتـيـبـي هذه قصيدتين مختاره للشاعر مشعل عوض العتيبي واتمنى ترتقي لذائقتكم وتنال رضاكم واعجابكم / * \ الــغــالــيــه ياليل لاتقسـى علـيّ بمساريـك نفسي جزوعه والطواري تجيهـا ياليل اماري بك واحبّك واغنّيـك وابدا مشاويري معـك وانتهيهـا ياليل قلّ للغاليه كيـف اجاريـك يمكن تسولف لك وسولف عليهـا ترى سوالفها عن النـاس تغنيـك حتى السوالف مـن دلعهـا تبيهـا لاسولفت كـنّ الخزامـا حواليـك والشيح والقيصـوم منهـا وإليهـا واليا اسكتت ضاقت عليك المساليك بالك تضيّـق خلقهـا وتعصيهـا يكفيك تسمع صوتها لـو تناديـك ويكفيك ضحكتها وهـزّة ايديهـا لك الفخر دام الغلا مـن تواليـك وانـا بعيـد وخافقـي مهتويهـا ياليل بلّغهـا سلامـي وتعطيـك ردّ السلام وقلّ تـراي احتريهـا هذي غلاي ومهجتي يوم اوصيك ابيع عمـري لاجلهـا واشتريهـا ياليل ليه الصمت؟ ياليل وش فيك؟ خلاص روّح منت مكلوف فيهـا بديت أغار وصابني منك تشكيـك حسبي على الفرقا وحسبي عليهـا * * * * * * * * * مــعـــكـ الـسـوالـف غـيــر !! معك السوالف غير ومقابلـك غيـر الله عطاك مـن السوالـف حلاهـا لك في خفوقي حبّ ثانـي وتقديـر ومكانةٍ تصعب علـى مـن بغاهـا ولك في عيوني ياعيونـي مشاويـر ولك من فياض الشيح نسمة هواهـا ان جيتني جبت الفـرح والتباشيـر وان غبت عن عيني يجيهـا بلاهـا غالي بعيني لو بـدا منـك تقصيـر ماتدري انـك ياحياتـي غلاهـا؟؟ غلاك وسط القلب من غيـر تفسيـر والعين ماغيرك حبيـب(ن) ملاهـا ألغيت من فكـري جميـع الغناديـر يحـق لـي يـوم افتخـر وآتباهـا يفزّ قلبي بيـن الاضـلاع ويطيـر شوفك هنا روحـي وقربـك ماهـا تفداك روحي ماحسبـت المخاسيـر وتفداك ناس(ن) همّهـا فـي لغاهـا تجني عليّ ان قلت (تصبح على خير) كلمه واحسّ الـروح تطلـع معاهـا وســــــــــلام ــتــكــم |
رد: بـعـض مـن قـصـائـد مـشـعـل عـوض الـعـتـيـبـي قصائد اكثر من روعه كلها عذوبه بمعانيها صح السان الشاعر وسلمت اناملك اختيار موفق ودايم ذواااق بالاختياار،، يعطيك العافيه ماقصرت والله وفا |
رد: بـعـض مـن قـصـائـد مـشـعـل عـوض الـعـتـيـبـي يحـق لـي يـوم افتخـر وآتباهـا يفزّ قلبي بيـن الاضـلاع ويطيـر . صح لسان الشعار عوض وأختيار موفق تشكر عليه ودمت |
رد: بـعـض مـن قـصـائـد مـشـعـل عـوض الـعـتـيـبـي ان جيتني جبت الفـرح والتباشيـر وان غبت عن عيني يجيهـا بلاهـا غالي بعيني لو بـدا منـك تقصيـر ماتدري انـك ياحياتـي غلاهـا؟؟ غلاك وسط القلب من غيـر تفسيـر والعين ماغيرك حبيـب(ن) ملاهـا صح لســـــــان الشاعر وسلمت يمناك اخوي الكنـــــج اختيار بقمة الذووق وقصايد بمنتهى الروووعـــه لاعدمنا تواجدك تحيتي لك |
رد: بـعـض مـن قـصـائـد مـشـعـل عـوض الـعـتـيـبـي وفاء العيون همس دمووع الشووق صحت ابدانكم وطالت اعماركم وشاكر لكم تعطيركم صفحتي بهالمرور الرائع دمتم بود |
| الساعة الآن 01:51 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..