|
ماودي تدري الناس وش يبكيني ,,,للمبدع فهــد المساعد من عز نومي صحيت وشفت فـي عينـي .. دمع تهـادى علـى جفنـي وأنـا غافـي ستـرت دمعـي بكمـي قبـل يغريـنـي .. وأخذت هذا الجسـد مـن باقـي لحافـي وسريـت تايـه ورا خطـوات رجلينـي .. لا الوجه وجهي ولا أوصافي هي أوصافي أمشـي وأقـول لطريـقـي لا توديـنـي .. لعيون نـاس تبـي تـدري عـن الخافـي أمانتـك.. خلهـا مـا بيـنـك وبيـنـي .. خابرك يالـدرب خـوة عمـر وسنافـي مـا ودي النـاس تـدري وش يبكيـنـي .. كرامـة النفـس ورث أبـوي وأسلافـي أمشي وأحـس الخناجـر فـي شرايينـي .. والبرد يمشـي وراي وينهـش اطرافـي وحـيـد واللـيـل بـردونـه يغطيـنـي .. تقـول كـن البلـد روح بهـا السـافـي إلين مـا أوحيـت لـي صـوت ينادينـي .. صوت أعرفه مثل ما أجهل وش خلافـي قمـت أتلـفـت وانــادي لا تخليـنـي .. ما غيره.. الصوت هـذا صوتـه الدافـي ولمحت زوله من أقصى الـدرب لافينـي .. مدري وش اقول لكن حـي هـا اللافـي تعال.. شف غيبتـك كيـف أثـرت فينـي .. تعال.. شفني وأنا أغرق عقـب مجدافـي تعال.. خذنـي ورحبـي مـن عناوينـي .. تعبت أعدي علـى جمـرك وأنـا حافـي تعال واقطـف بصوتـك زهـرة سنينـي .. كـل المواعيـد عقبـك شمعهـا طـافـي تعـال وازرع خصـل شعـرك بكفينـي .. بضمهـا ليـن أحـس بليلـك الظـافـي تعـال وشفيـك خايـف؟ أنـت ناسينـي؟ .. قطعت صوتـي عليـك وطـال ميقافـي حتى بديـت أشعـر أن الحـب معمينـي .. وان أنت حلم عثـى فينـي وأنـا غافـي لكـن أمانـة تـرى اللـي فـيني كافينـي .. إن رحت منك كـذا مـا رحـت متعافـي بصـدق الحلـم وأحـذر لا تصحيـنـي .. فـي خاطـري كلمتيـن إن قلتهـا كافـي أمانـة الله عليـك إن غبـت عـن عينـي .. لا يكون قلبك مثل قلـب الزمـن جافـي مـع كـل دمعـة تذكـر رعشـة يدينـي .. ومع كل ضحكـة تذكـر قلبـي الوافـي للشآعر المبــــدع // فــهــد المـســآعــد |
رد: ماودي تدري الناس وش يبكيني ,,,للمبدع فهــد المساعد أمشي وأحـس الخناجـر فـي شرايينـي .. والبرد يمشـي وراي وينهـش اطرافـي وحـيـد واللـيـل بـردونـه يغطيـنـي .. تقـول كـن البلـد روح بهـا السـافـي قصيدهـ جنااان وحلوووهـ كثير ماشاء الله واختيار راقي وذووق عالي والله صح السان الشاعر وسلمت يمناك يعطيك العافيه يالغلا ماقصرتي،، وفا http://www.3z.cc/sml/30/0001.gif |
رد: ماودي تدري الناس وش يبكيني ,,,للمبدع فهــد المساعد أمانـة الله عليـك إن غبـت عـن عينـي .. لا يكون قلبك مثل قلـب الزمـن جافـي صح السان الشاعر فهد المساعد ,, : : جميل ما جلبتيه لنا ,, أبيات لها معاني خاصه ,, / يعطيك العافيه ,, ودمتي متألقة ,, |
رد: ماودي تدري الناس وش يبكيني ,,,للمبدع فهــد المساعد يعافيكم وربي وياهلا بكم مروركم الارووع منووورين القسم كله لاخلا ولاعدم هالتواجد |
رد: ماودي تدري الناس وش يبكيني ,,,للمبدع فهــد المساعد دموع صح لسانك ولسان شاعره ولاهنتي علي القصيده والكلمات الجميله ودمتي بود |
| الساعة الآن 02:44 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..