ميـلاف والقلـب تشعـاه السنافيـة

ياعيـن هلـي دموعـك ياشقاويـه=وابكي على جـادل بالحـب عنانـي
تعبري كل صبـح وكـل عصريـه=لين الفلك يستدير وينقضـي شانـي
حيل الله اقوى تكسـر عبرتـي فيـه=والوصل مقطوع والموت الحمر جاني
ياوجد روحي على المرواح والجيـة=واخاف من واحـد بالهـرج يقفانـي
ميـلاف والقلـب تشعـاه السنافيـة=شعية قطيع شعوهن ركب كرزانـي
اقفو عليهـن باهـل تسعيـن منقيـة=مع مرباع ما يجيه الذيب سرحانـي
تقاسمـوا جلهـن حمايـة الهـيـة=ومفرق ولفهـن تركـي وسلطانـي
على هنوف لها في البيـض ماريـة=ماوقفـت تلتفـت لفـلان وافلانـي
ياعيـن شيهانـةٍ ماهيـب وكريـة=اومى لها بالعشا رجال ابـن ثانـي
العنق عنق الغزال الحـذر وادميـة=اقفت مع الصبح يم هضاب بسيانـي