وش تسوي لو عشيقت موهونصيبك

وش تسوي لو عشقت إنسان ماهو من نصيبـك
لا لك بهالوضع يـد ولا لـه بهالوضـع سبـه
وشهو ذنبك لو غدى من بين خلـق الله حبيبـك
تعرف ان قربه محال وقلبـك مصمـم يحبـه
وأنته متأكد وعارف يب يجـي يـوم ويسيبـك
يعني متوقع بأي لحظه يغيـب وتغتـرب بـه
كل درب(ن) يرحل بطيفه على وجهك يجيبـك
كل حرف(ن) يكتب لغيره تحسه منكتـب بـه
كن كل عيون خلق الله عيون(ن) لـك تذيبـك
تنثر إحساسك جمر ملح وعلى جرحك تصبـه
واللي كاسر ظهر قلبك وبشقا الدنيـا مصيبـك
عارف(ن) بأنك تحب وما يعرف انـك تحبـه
ساكن(ن) بأصغر تفاصيلك وقلبه ما دري بـك
ماكن(ن) بأقصى معاليق الكيان اللي لعـب بـه
وش تسوي لو مرضت بعشق من وصله طبيبك
وأنت عارف لو ذبحك العشق مـا داواك طبـه


منقولـ

كلمات حلووهـ كثيييير والله

صح السانك وسلمت يمناك

يعطيك العافيه ماقصرت كلك ذوووق،ن

وفا

صح لسانك وصح لسان قايلها

أخي لهلوه
قصيدة جميلة تحمل معاني رائعة
سرني المرور
ولك فائق التقدير
أختك
ينابيع السبيعي

أختيار رائع


صح لسان الشاعر

..


ودمت