|
مدينة الرويضة بالعرض السلام عليكم ورحمة الله وبركاته الـــرويــــضــ ــــــة : تلك المدينة الحالمة في الصحراء على طريق الرياض - الطائف بقلب الجزيرة العربية لن اتحدث عنها كثيرا فهي مدينتي بل معشوقتي ومسقط راسي والقمر ما يكتمل بدراً الا بنصف الشهر والرويضة دائما وابـــــداً بــــدراً متــلائـــــلاً مع كل هذا فهي الى وقت قريب اعتبرها مهضومة اعلاميا لا يوجد بها مرجانات صيفية ولا مناسبات يتم تغطيتها من القنوات الفضائية او وسائل الاعلام الاخرى اللهم الا اذا استثنينا تغطية جريدة الرياض لدورة رمضان السنة قبل الماضية والتي قبلها في عالم النت عرفت الرويضة لاول مرة من خلال اول موقع لها على شبكة الانتر نت من خلال اول موقع للرويضة مدينة الرويضة بالعرض http://www.rwaidah.8m.com/ وتم افتتاح هذا الموقع في 19 /3 /1422هـ وقام على هذا الموقع الاخ الفاضل الاستاذ ابو مجاهد جزاه الله خير والملاحظ ان الموقع جميل ومفيد وتصميمه رائع ولكن يعيبه فقط قلة الاقسام والتطوير فالصور والاخبار اكل عليها الدهر وشرب . هذه الملاحظة فقط اتمنى لابي مجاهد وللموقع والقائمين عليه التوفيق والسداد والله اعلم والسلام عليكم ورحمة الله وبركاته . |
رد: مدينة الرويضة بالعرض كنت اتمنى اعرف اشيا عن الرويضه وين موقعها و... يعطيك العااااااااافيه |
رد: مدينة الرويضة بالعرض مساء الخيرات ابو نواف 00 مادري بالظبط وش تبي 0000 قنوات فضائيه 00!!!!! ومهضومه اعلاميآ !!!!! 1 اذا صار فيه مناسبه 000الفلوس تجيبهم 00 بالرغم ان ابوهلا ماقصر وجابها في كم مناسبه كاحتفال العيد 00وعدة دورات رمضانيه اما الصحافه فانت بخست الحق هنا 000 فكيف ذلك 000وجريدة الرياض 00000 وهي اكبر 0000واقوى صحيفه 00سعوديه 000وعربيه رعت اعلاميآ على مدى شهر كامل تقريبآ لمرتين لمتتاليتين000 وذلك لدوره رمضانيه 000لما نسميه نادي الرويضه 00 وهو فريق حواري ينضم في السنه دروة كرة قدم فقط واحده او اثنتان فقط بدون اي نشاطات رياضيه اخرى 000 وكانت الاخبار تنزل بشكل يومي بتغطيه لايحصل عليه اندية الممتاز 00 وتحدثت عن ذلك وكانك صاحب المنه 000 والان تقول مهضومه اعلاميآ 00 وغير ذلك تواجد مندوبين لجريدة الرياض على مدى السنوات الطوال 00 والتي يحرص ابوهلا 00على تواجدهم 00 وتقوم جريدة الرياض خلال هذه السنوات الطوال بتغطيه لاخبار الرويضه 000 تغطيه مميزه يحسدك عليها حتى اصحاب المحافظات وذلك بفضل وجهود ابوهلا 00 000كنت اتمنى ان نقول و من باب قول الحق 00 ان تقول مهضومه اعلاميآ ( على حد قولك ) باستثناء من جريدة الرياض أليست هذه الحقيقه !!! التي هربت من قولها !! وانت هنا تمجد موقع الكتروني واصحابه (اكل عليه الدهر وشرب ) على حد قولك عزيزي 00بصراحه اهتميت بهذا الموضوع 00وبهذا الكلام0000 لانه اتى من ابونواف 000وذلك بحجم مكانتك --وقدرك الكبير لدي وإلا عندما تتفاعل او ترد على من لايستحق 00 فانك تعطيه مكانآ لايستحقه 00فالاجدى ان لاتعيره اي اهتمام 000لان هذا مايبحث عنه 00 |
رد: مدينة الرويضة بالعرض شيء جميل أن يتوقد الحماس للدين للقيادة للوطن وليس حماس قبلي وهنا تكمن المصلحة العامة على المجاملات حتى وان غضب من يغضبه كلام الحق :الرويضة ندافع عنها وتسوقنا الحمية لها كونها قطعة من بلادنا الغالية ومااتى به ابونواااف أصاب به سهم الحقيقة حتى وان اغضبتنا فمهما قدمنا للرويضة فلن يوفيها حقها ونعتبر انفسنا مقصرين قي حقها ولازال الاعلام غائبا عدى جريدة الرياض ولم يغفل ذلك ابا نواف والشكر موصول لــ(مجاهد ) ولــ(لرويضاوي ) ولكل من وضع على الشبكة العنكبوتية موقعا لخدمة الرويضة . ابورهف : وانت المبدع دائما في تغطية احداث الرويضة واخبارها ومع ذلك نريد منك المزيد فالرويضة غالية على قلوبنا والاعلام منبر لاغنى عنه للتعريف بمدينتنا وباقات ورد للجميع ونقاش يثري وهذا مانريده . |
رد: مدينة الرويضة بالعرض مع كل هذا فهي الى وقت قريب اعتبرها مهضومة اعلاميا لا يوجد بها مرجانات صيفية ولا مناسبات يتم تغطيتها من القنوات الفضائية او وسائل الاعلام الاخرى اللهم الا اذا استثنينا تغطية جريدة الرياض لدورة رمضان السنة قبل الماضية والتي قبلها طيب كلام الاخ صحيح 10.000 % صدق الرويضة مهضومة اعلاميا .. وياليت اعلاميا بس هذي مهضومة اعلاميا وحضاريا وعمرانياً وثقافيا للآسف !! مالي خلق اكمل شيء يحز في النفس .. المهم عيد الفطر كل المحافظات والهجر تسوي احتفلات وتتغطى اعلامياً سواء عن طريق التلفزيون او الصحف ... والرويضة مافيها جمعى زي الناس ... تغدو عندنا نتعشى عندكم بس !! يعني بيسوون احتفالات ثلاث ايام على الاقل رجال ونساء وعرضة ...... ابد حلم يعتبر على الرويضة .. كنت اتمنى ان نقول و من باب قول الحق 00 ان تقول مهضومه اعلاميآ ( على حد قولك ) باستثناء من جريدة الرياض اخوي عبدالرحمن الدحملي السهلي انت ماقصرت ولن تقصر ولا تعتبر هالكلام موجه لك شخصياً كونك مندوب جريدة الرياض بالرويضة فيه تغطية اعلامية وانا قريت هالشيء بتغطياتك ولا تاخذ الموضوع بحساسية انا عندي ملاحظات على الرويضة وكل ماجاء موضوع وكتبت حذفوه الخوافين لأن كلام الحق يزعل ... !!!! نرجع للمهم طيب فيه زيارة الامير سلمان ليه مااستعدت الرويضة لزيارته والا الدعوة فيها فلوس مايبون يدفعون رغم ان الفلوس هذي من الحكومة وخاصة بالضيافة .. !!! يعني مو من جيب احد ولو من جيب احد عادي سوو قطة ... صعبه ذي !! فالرويضة غالية على قلوبنا والاعلام منبر لاغنى عنه للتعريف بمدينتنا تسلم اخوي محمد السهلي هذي كلمة الحق اللي يجب ان تقال وفي النهاية كلنا نطمح ونريد للرويضة واهلها الأرتقاء للأفضل شكرا اخي الكريم على الموضوع |
رد: مدينة الرويضة بالعرض الماسة الحساسة : نشكر لك مداخلاتك ولا اذكر اننا الخوافين كما تقولين حذفنا شيء من الخوف وانما نحذف التجاوزات ومع ذلك هل لي برسالة توضحين ماتم حذفه كونك كررتي المقولة مرتين اكيد تحسين بظلم لعلنا ننصفك !!! احتفالات عيد الفطر المبارك : من قال ليس لدينا احتفالات فقد غالط الحقيقة ولكنها متقطعة وغطيت من قبل التلفزيون وصار فيه امسيات شعرية وعرضة نجديه وكثير من الفعاليات حتى سباق الدراجات نظموه الشباب والدورات الحبية في الاعياد وللعلم تنظيم احتفال لعيد الفطر وليوم واحد يكلف 70 ألف ريال وفي المدن الاخرى ومنها العاصمة يعتمدون على دعم القطاع الخاص ورعايتهم للاحتفالات وفي الرويضة يدفعون من جيوبهم الاهالي مشكورين في غياب كامل من اهالي الرويضة الذين يسكنون الرياض خصوصا نسمع نقدهم ولانرى دعمهم حتى الاعلانات الترحيبية يدفعها شباب الرويضة من جيوبهم الخاصة للإحاطة . زيارة الامير سلمان بن عبدالعزيز لمحافظة القويعية ولن يزور المراكز بما فيها الرويضة ولاهمية الزيارة هناك ملحق اعلاني وتحريري عن الرويضة تزامنا مع الزيارة بمشيئة الله تعالى ونتأمل مشاركة العوائل وخصوصا العوائل الكبيرة والتي تملك المال ومن هم في العاصمة الرياض هناك جحود واضح للعيان فقط نقد وسب في الرويضة واذا جينا للجد حتى المراجعات لمطالب الرويضة من يقوم بها شباب الرويضة أين شباب الرويضة الذين يسكنون في الرياض ودورهم على الاقل يريحون شبابنا من الروحات والجيات نرجو المشاركة الفاعلة من الجميع لنرتقي بالرويضة للافضل -- |
رد: مدينة الرويضة بالعرض فلنفكر فى مستقبل الرويضة ومصلحتها |
رد: مدينة الرويضة بالعرض [color=#00008B] اقتباس:
بالنسبة لي لا احس باي ظلم لأن مافيه احد يقدر يظلمني ولو حصل ما اخلي حقي يروح وانا اتفرج وبالنسبة لردودي اللي تحذف لأني معبره عن رايي والمراقبين يشوفونه تجاوز ويحذفونه وانا مو من سكان الرويضة اصلا بس مايمنع اني اشارك برايي واقول اللي المفروض ينقال اكثر من15 سنة خبري بالرويضة ويوم زرتها هالسنة ماتغير علي شيء هي هي نفسها اللهم هالدخل المحدود اللي مافيه الا كم فله تنعد على الاصابع وهالساكتون الحمدلله والشكر وسوق بن منقاش اللي لو ماحطه وانعش الرويضة كان سوقهم على هالبسطات ... والواحد لو احتاج حاجة راح للقويعية كنه عايش بمقطعة .. المهم الآن بالنسبة لإحتفالات الرويضة في الاعياد مره او مرتين بس طلعت بالتلفزيون ولا اذكر بعد ان اطلعت او احد قالي انها طلعت .. وبعدين ليه الاهالي يدفعون من جيوبهم وين الميزانية اللي تصرفها الدولة سنويا للامير ابن وهق ؟!!!!!!!!!!!!!! !!!!!!!!! كل سنة الامير سلمان يجتمع بالمحافظين ومن بينهم الامير حقنا ويسالهم وش احتياجاتهم وش النهضة اللي بيسوونها ووش مخططاتهم ليه مايحكي ويطالب بنهضة عمرانية للرويضة ؟!!! يعني 15 سنة ولا طلعت الا خمس فلل بس !! والفيصلية و المملكة بنؤها بثلاث سنوات .. مو شيء يقهر وبعدين اهل الرويضة اللي ساكنين بالرياض وش عرفهم بإحتياجاتكم وبعدين ماراح يقصرون بس مااحد طلب منهم !!! ومافيه جحود زي ماذكرت بس السؤال هنا وين الميزانية ؟؟؟؟؟؟؟؟؟؟؟؟؟؟؟ ؟؟؟ ليه نطلب من الاهالي يدفعون وفيه ميزانية مخصصتها الدولة للضيافة وللأمور هذي وغيرها ؟!! وبعدين نقول ان الميزانية ماتسمح سوو قطة تدور على الجماعة وماراح احد يقصر سواء سكان الرويضة او سكان الرياض ..بس نبغى شيء يشرف ويرفع الراس هجر صار لها صيت والرويضة رغم موقعها الجغرافي المهم كلها شارع .. واتمنى محد يزعل من رايي لأنه مايزعل اصلاً ولا ابغى احد يراددني وشكراً color] |
رد: مدينة الرويضة بالعرض بصراحة الاخت الماسة وحساسة كفت ووفت كلامها مية بالمية ... يعطيها العافية يارب ... واتمنى التوفيق والإزدهار للرويضة ... وللعلم موقع الرويضة افضل بكثير من القويعية ومع ذلك الفرق واضح بينهم من حيث التطور والإزدهار وهذا شيء راجع لنفس المواطنين والمسئولين في كلا المدينتين ... اولها مشفى الرويضة ؟! والكل يدري عن مشاكله ومصايبه ؟! والحال مثل ماهو ؟! لمتى ... |
رد: مدينة الرويضة بالعرض اقتباس:
اهلين عربية ساس التعرف على الرويضة وموقعها كما طلبتي تفضلي http://rwwwr.com/vb/showthread.php?t=34 شكر لمرورك |
رد: مدينة الرويضة بالعرض اقتباس:
اهلين مساء النور ابو رهف ما تدري وش ابي وترد !!!!!!!! انا قلت مهضومة اعلاميا وحددت الى وقت قريب اقتباس:
اقتباس:
الله يجزاك خير قل آمين جنحت يمين مرررررة وش دخل الموضوع بعدين لو رجعت للموضوع وقريته زين قبل ما ترد اقتباس:
انظر ماذا قلت !!!! : اقتباس:
اقتباس:
هذا اول موقع عرف بمدينة الرويضة للعالم وقام عليه استاذ قدير هو ابو مجاهد وكلنا يعرف منه ابو مجاهد وقد سبقك في التسجيل و المشاركة في هذا المنتدى اقتباس:
اشكر لك مداخلتك استاذي واعتذر ان كنت قد فهمتك خطاء |
رد: مدينة الرويضة بالعرض اقتباس:
اشكر لك تواجدك ابو هلا وردك الذي زادني ثقة في نفسي احترم واقدر كل المنابر الاعلامية للرويضة سواء كانت مواقع او منتديات او صحافة لا هنت استاذي |
رد: مدينة الرويضة بالعرض الماسة وحساسة مشكورة على الرد اللي مدري وينه رايح اشوفه بعيد بعض الشئ عن الموضوع وقد يكون لرد ابو هلا بعض الاضاح |
رد: مدينة الرويضة بالعرض اقتباس:
فيصل فلنفكر !!!!! قوية هذه الموضوع اللي قاعدين نتكلم فيه ما يهم مصلحة الرويضة ؟؟؟ الهدف من الموضوع اخواني التعريف باول موقع رسمي للرويضة على الانتر نت وحتى حاط الرابط للتعريف عليه ابو محمد كلنا نفكر في مستقبل الرويضة ومصلحتها لا هنت على مرورك |
رد: مدينة الرويضة بالعرض همس الشفايف اختي القويعية محافظة والرويضة مركز يتبع لها عرفتي الفرق بينهم مشكورة على مرورك |
رد: مدينة الرويضة بالعرض رد: مدينة الرويضة بالعرض -------------------------------------------------------------------------------- الماسة الحساسة : نشكر لك مداخلاتك ولا اذكر اننا الخوافين كما تقولين حذفنا شيء من الخوف وانما نحذف التجاوزات ومع ذلك هل لي برسالة توضحين ماتم حذفه كونك كررتي المقولة مرتين اكيد تحسين بظلم لعلنا ننصفك !!! احتفالات عيد الفطر المبارك : من قال ليس لدينا احتفالات فقد غالط الحقيقة ولكنها متقطعة وغطيت من قبل التلفزيون وصار فيه امسيات شعرية وعرضة نجديه وكثير من الفعاليات حتى سباق الدراجات نظموه الشباب والدورات الحبية في الاعياد وللعلم تنظيم احتفال لعيد الفطر وليوم واحد يكلف 70 ألف ريال وفي المدن الاخرى ومنها العاصمة يعتمدون على دعم القطاع الخاص ورعايتهم للاحتفالات وفي الرويضة يدفعون من جيوبهم الاهالي مشكورين في غياب كامل من اهالي الرويضة الذين يسكنون الرياض خصوصا نسمع نقدهم ولانرى دعمهم حتى الاعلانات الترحيبية يدفعها شباب الرويضة من جيوبهم الخاصة للإحاطة . زيارة الامير سلمان بن عبدالعزيز لمحافظة القويعية ولن يزور المراكز بما فيها الرويضة ولاهمية الزيارة هناك ملحق اعلاني وتحريري عن الرويضة تزامنا مع الزيارة بمشيئة الله تعالى ونتأمل مشاركة العوائل وخصوصا العوائل الكبيرة والتي تملك المال ومن هم في العاصمة الرياض هناك جحود واضح للعيان فقط نقد وسب في الرويضة واذا جينا للجد حتى المراجعات لمطالب الرويضة من يقوم بها شباب الرويضة أين شباب الرويضة الذين يسكنون في الرياض ودورهم على الاقل يريحون شبابنا من الروحات والجيات نرجو المشاركة الفاعلة من الجميع لنرتقي بالرويضة للافضل -- هلا اخوي الكريم محمد السهلي لا شكر على واجب هذا موضوع مهم والكل لازم يشارك برايه .. هذا شيء والشيء الثاني انا مااحب حركة الرسائل الخاصة وبقول هنا ردي عشان يوضح للجميع .. بالنسبة لي لا احس باي ظلم لأن مافيه احد يقدر يظلمني ولو حصل ما اخلي حقي يروح وانا اتفرج وبالنسبة لردودي اللي تحذف لأني معبره عن رايي والمراقبين يشوفونه تجاوز ويحذفونه وانا مو من سكان الرويضة اصلا بس مايمنع اني اشارك برايي واقول اللي المفروض ينقال اكثر من15 سنة خبري بالرويضة ويوم زرتها هالسنة ماتغير علي شيء هي هي نفسها اللهم هالدخل المحدود اللي مافيه الا كم فله تنعد على الاصابع وهالساكتون الحمدلله والشكر وسوق بن منقاش اللي لو ماحطه وانعش الرويضة كان سوقهم على هالبسطات ... والواحد لو احتاج حاجة راح للقويعية كنه عايش بمقطعة .. المهم الآن بالنسبة لإحتفالات الرويضة في الاعياد مره او مرتين بس طلعت بالتلفزيون ولا اذكر بعد ان اطلعت او احد قالي انها طلعت .. وبعدين ليه الاهالي يدفعون من جيوبهم وين الميزانية اللي تصرفها الدولة سنويا للامير ابن وهق ؟!!!!!!!!!!!!!! !!!!!!!!! كل سنة الامير سلمان يجتمع بالمحافظين ومن بينهم الامير حقنا ويسالهم وش احتياجاتهم وش النهضة اللي بيسوونها ووش مخططاتهم ليه مايحكي ويطالب بنهضة عمرانية للرويضة ؟!!! يعني 15 سنة ولا طلعت الا خمس فلل بس !! والفيصلية و المملكة بنؤها بثلاث سنوات .. مو شيء يقهر وبعدين اهل الرويضة اللي ساكنين بالرياض وش عرفهم بإحتياجاتكم وبعدين ماراح يقصرون بس مااحد طلب منهم !!! ومافيه جحود زي ماذكرت بس السؤال هنا وين الميزانية ؟؟؟؟؟؟؟؟؟؟؟؟؟؟؟ ؟؟؟ ليه نطلب من الاهالي يدفعون وفيه ميزانية مخصصتها الدولة للضيافة وللأمور هذي وغيرها ؟!! وبعدين نقول ان الميزانية ماتسمح سوو قطة تدور على الجماعة وماراح احد يقصر سواء سكان الرويضة او سكان الرياض ..بس نبغى شيء يشرف ويرفع الراس هجر صار لها صيت والرويضة رغم موقعها الجغرافي المهم كلها شارع .. واتمنى محد يزعل من رايي لأنه مايزعل اصلاً ولا ابغى احد يراددني وشكراً الماسة الحساسة : ولأن ردك كان موجها لي سوف أرد عليك مع انني ترددت كثيرا حيال طلبك ولا ابغى احد يراددني !!! عسى الغرور لم يتسرب اليك !!! أشرتي ان هناك حذف لمواضيعك ويمكنك الان وضعها في قسم الشكاوي والاقتراحات بدلا من الرسائل الخاصة حتى نضمن لك خصوصيتها ومناقشة المسببات للحذف ان وجدت لانريد رمي التهم جزافا على مراقبينا الاّ بما يثبت حذفهم لمواضيع ترين ان من الخطأ حذفها الظلم شين وانا اخوك . الرويضة سكانها 12 ألف نسمة حاليا وتقولين الرويضة ماتغيرت .الرويضة يوجد بها 1600 محل تجاري عدا سوق الخميس اكبر الاسواق في منطقة الرياض وقبل يومين تحدث احد رجال الاعمال من المجمعة وقال ان سمعة سوق الخميس بالرويضة جعلت تجار المجمعة يقصدونه ببضائعهم يوم الخميس اضافة الى شراء الابل والاغنام والحطب فسوق بهكذا حجم من الضروري وظاهرة صحية انبثاق سوق البسطات كما تسمينه ومثل هذه الاسواق موجودة بالعاصمة الرياض والمدن الكبرى وغير موجودة بالمدن الصغيرة ولو لم يجدوا سوقا لبضائعهم لما وضعوا بسطاتهم وناموا قبل الخميس بليلتين في الرويضة لحجز مكان لبسطاتهم . الرويضة التي تحضى باهتمام ولاة الامر وفيها اقدم جامع بالعرض جامع الاميرة الجوهرة بنت فيصل بن تركي رحمها الله التي بنته عام 1257 هجرية وتم اعادة بناء للمرة الثانية وهو معلم من معالم الرويضة حاليا بكلفة 3ملايين و500 ألف ريال وقبل يومين توقف عنده محافظ القويعية وطلب ضمه ضمن المشاريع التي سيفتتحها سمو الامير سلمان بن عبدالعزيز عند زيارته لمحافظة القويعية قريبا .الرويضة التي يوجد بها 27 شركة للصخور والجرانيت والتي تشرفت بأن تكون توسعة الحرمين الشريفين في عهد الملك فهد رحمه الله من جرانيت الرويضة الذي استخدم في الرخام ومن لديه شك الاتصال على منفذ المشروع بن لادن وقد سبق واعلن عن ذلك في الصحف والمطبوعات الوثائقية وهذه الشركات تمثل قوة اقتصادية لأي مدينة وهناك منطقتين صناعيتين بالرويضة وللقوة الشرائيه هناك فرع لشركات الخزف السعودي وعدة شركات اخرى . مستشفى الرويضة العام من اكبر وانجح المستشفيات بشهادة فنية وهناك المستشفى الجديد الذي دشنه خادم الحرمين الشريفين اثناء حفل تدشين مشاريع منطقة الرياض ونالت الرويضة النصيب الاكبر من تلك المشاريع وهي مشروع ايصال المياه والان تجري عمل خزانات المياه ومن ثم التمديد للمنازل ومشروع مركز صحي ثاني ومجمع محاكم بالاضافة الى تكامل جميع الخدمات وقريبا الجوازات والمرور خلال الايام القريبة وتجاوزت الرويضة بمشاريعها وحجمها السكاني مسمى مركز فغالبية تلك المشاريع لاتنفذ الا في محافظات واكثر من 4 مخططات عمرانية ضاعفت حجم الرويضة عن العام الماضي فكيف بما كانت عليه قبل 10 سنوات!!! النظام العمراني لايسمح ببناء اكثر من 3 ادوار والاّ لرأينا الفنادق المتوقفة على السماح بتعدد الادوار ومع ذلك الشقق المفروشة تنافس مثيلاتها في المدن الكبرى. -------- الاحتفالات ------- اولا الرويضة مركزا وليست محافظة ولهذا رئيس المركز لايحضر اجتماعات المحافظين مع سمو امير منطقة الرياض وللحق لم يقصر ابن وهق ونفخر بحنكته وخبرته وهو محل ثقة الامير سلمان بن عبدالعزيز الذي لايخفى سموه صغيرة او كبيرة وهو على اطلاع بأدق الامور اكثر منا ولإبن وهق مواقف مشرفة وبطولية ورفع رأس قبيلته ومدينته الرويضة والله يعطيه العافيه وطولة العمر ومايأتي من الدولة لرؤساء المراكز محدد الصرف ضمن بند واضح ومتابعة من اجهزة الرقابة المعنية وليس فيه بدل حفلات حتى في الامارات الكبيرة من يقوم بالحفلات القطاع الخاص فليس من العدل الظلم حتى وان اختلفنا مع احد لانظلمه لان الله سينصف المظلوم جعلنا الله واياك والجميع من المنصفين قولا وفعلا وحمانا من التزلف وترك كلمة الحق والجميع يعرف انني اقول كلمة الحق حتى بحقي ولا اجامل وليس لي في الرويضة اي مطامع حتى الارض لااملكها فقط مسكن والدي وممتلكاته اطال الله في عمره ومع ذلك ولانني قريب من رئيس المركز في المناسبات الهامة أجدني فخورا به وقليل مثله ولم يبخل علينا بتنفيذ اي مقترح او مطالبة ودائما هو ورائها ونجلس معه وهو يناقش المسؤولين اثناء زياراتهم ويلح عليهم كثيرا فجزاه الله خيرا. ليس من العقل مطاردة العوائل المنتمية للرويضة والقاطنة خارجها سواء في الرياض او غيرها فلازلنا نتحمل الأسية وندفع من جيوبنا باسم الجميع وهم يعلمون ذلك جيدا والدليل انهم اول من يقدم على الاراضي والمنح وياخذ حقه وحق غيره اهم شيء الجيب مايجيه شيء وليس من العقل طرق ابوابهم وليس بخاف عليهم مايحدث وليس بخاف عليهم الفزعات مع تقديري لعدد من العوائل التي تقطن الرياض وتتواجد بالدعم المالي لمثل تلك المناسبات ولنأخذ شقراء على سبيل المثال والبكيرية والرس والقويعية وروضة سدير تلك المحافظات قائمة على لجان تجميل وتحسين المدن من قبل الاهالي وليس من جيوب الماحفظين او رؤساء المراكز هناك الاعمال التطوعية الاهلية التي تحتاجها الرويضة وليس اتهام رئيس المركز ووضعه الشماعة لتقصير المواطن تجاه مدينته وبالمناسبة ملعب نادي الرويضة كلفته تجاوزت 100 الف ريال من جيوب الاهالي والشباب ويعد افضل من ملاعب الاندية في المحافظات التي تكبر الرويضة سكانا ومساحة ولديها اندية رسمية . أعلم بأن (الماسة الحساسة ) من أسرة تنتمي للرويضة ولم تقصر يوما في دعم كل مافيه مصلحة للرويضة وهذا المأمول ومطلبنا لبقية العوائل خارج الرويضة ومتأكد ان حماسك وراء ماتطرقتي له ولو ان مكانه ليس هنا لان الموضوع المطروح ليس له علاقة بموضوعنا وعلينا نقل ساحة النقاش في موضوع جديد اذا رغبتم وأحيي غيرتك على رويضتك واتمنى من ابونوااف وابو رهف تخصيص صور حية عن الرويضة وربطها بصور قديمة لتجدي والجميع الفارق وفقك الله الى مايحبه ويرضاه. |
رد: مدينة الرويضة بالعرض الماااااااااااا ااااااااااااااا ستي صح السانتس ياااااااااااااا ااااقلبي والله انتس كفيتي ووفيتي ومني لتس محد يراااااااااددتس يالغاليه وانا موجوده معتس ههههههههههههههه ههههههههه تسلمين والله على الدرر اللي قلتيها.. يالغاليه وربي انتس فرحتيني بكلامتس بعدي كذا الناس تاخذ حقهاااااااا والا فلا يالغاليه . ههههههههههههههه ههههههههههههههه هههههه خليتس اعفاااااااااااا اااااادهم |
رد: مدينة الرويضة بالعرض اخوي محمد السهلي مااااراح اعلق على كلامك الا بكم كلمة بس .. كل اللي ذكرته عارفته وهذا اللي يحز في النفس رغم كل هالاشياء اللي تتمتع فيها الرويضة مافيها نهضة عمرانية ولا حضارية يعني فرحانين أن التجار يستغلون خيراتها واهلها يدفعون من جيوبهم عشان يعيشون .. وبعدين وش البلدية ماتسمح نبني ثلاث ادوار والا كان شفتو الفنادق خخخ الحين نص بيوتكم على دور تبون تبنون ثلاثة ادوار والله شيء يضحك .. وبعدين انا ماظلمت احد اخوي الكريم ولا تعيد هالكلمة مره ثانية لو سمحت لاني اعيي وش قاعدة اقول واحرص ان مايدخل في ذمتي شيء .. وهذا الحكي مو حكيي بس حكي الجميع واذا تطرقنا لبعض الجوانب المهمة واللي المفروض تصير مو معناها احنا نشك بنزاهة اميرنا الله يحفظه ويطول عمره بل حتى نسلط الضوء على امور بسيطة كانت لابد ان تفعل وتقام منذ زمن طويل .. اشكر لك نقاشك ورحابة صدرك ومجاراتك لنقاشي .. |
رد: مدينة الرويضة بالعرض اقتباس:
[size=3]هلا بقلبي هوى الديرة تسلمين حبيبتي على هالتفاعل والمناصرة >>>>>>> صرنا بحرب خخخ وهذي مو غريبة عليك .. وبالنسبة لاحد يراددني اقصد فيها اني مقتنعة بكل كلمة قلتها ومالي خلق زيادة حكي .. بس اللي يبي يرادد حياه تسلمين ياقلبي على المداخلة والمرور الجميل [/size] |
رد: مدينة الرويضة بالعرض الماسة الحساسة : ولازلت عند رأيي وهل بنوا عوائل الرويضة الذين زحفوا للرياض فنادق 5 نجوم؟!! محلك راوح للغالبية واولهم محدثك . الاقتصاد عصب الحياة والدول تعطي تسهيلات لرجال الاعمال للاستثمار ولا تبينا نفاخر بنهضتنا الاقتصادية اجل مالذي تريدين الوصول اليه بالظبط ناطحات سحاب وشوارع 60م عليك بعدم المقارنة مع المدن الكبرى فلكل مقام مقال ومدينتنا نعتز بها برغم صغرها فهي كبيرة في عيوننا وكل شيء فيها حلو واحلى من السكر --تسلمين على سعة الصدر وكل برأيه راض وفقك الله- |
رد: مدينة الرويضة بالعرض خلاص اخوي محمد نكتفي عند هذا القدر نخلي الراي للبقية |
رد: مدينة الرويضة بالعرض كلمة حق لا بد من ذكرها انا من اصول رويضاوية ، طلعنا من الرويضة من عشرات السنين، لاحظت كثير من التطور في الرويضة عندما زرتها في الصيف الماضي، نهضة عمرانيه ، شوارع، اسواق، وغيرها من متطلبات الحياة الظرورية، صحيح تنقص الرويضة بعض الدوائر الحكومية بحكم انها مركز تابع لمحافظة القويعية. بكل صدق ماتوقعت الرويضة بهذا الحجم والتطور تمنياتي بالتوفيق للقائمين عليها بالتوفيق والعمل السديد |
رد: مدينة الرويضة بالعرض انشاء الله فوق الفوق |
رد: مدينة الرويضة بالعرض كل الشكر لـ ابو مجاهد على كل ماقدمه ويقدمه للرويضه وان شاء الله نشوف ونسمع عن الرويضه كل خير ويكفي انو الرويضه كبيرهـ بطيب قلووب اهلها وناسها،، يعطيك العافيه ابو نواااف ماقصرت،، وفا http://www.3z.cc/sml/30/0001.gif |
| الساعة الآن 04:05 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..