|
زهقان متملل وفيني ضيقة ------ بعد انقطاع اتيتكم من قمة اليأس بجديد اتمنى ان ينال اعجابكم كما اتمنى ان تكونوا اكثر تفاؤلا مني
زهـقان متملل وفيني ضيقة=اكنها في داخلي واشهقها كئيب لاخر حد لي وانفاسي=تضيق بي وتضيق واضيقها تعيس لاخر حد لي متشائم=واجمّع اهاتي عنا وانطقها متذمر ومتدمر ومتدهور=لاخر حدود الدهوره واقلقها جالس انا واحزاني المدعوة=تحت رعاية ضيقتي واعمقها مرة تفرقني وانا الملمها=ومره تلملمني وانا افرقها وافراحي الي جت تبي تحظرنا=اسوقها في داخلي واشنقها في ليل اظلم من ظلامه صدري=البّس افكاري اسى وارهقها واطفي مصابيح الضيا من حولي=واسحب خيوط النور وامزقها الياس حاصرني وانا من بعده=احاصر انفاس الامل واخنقها وحدي انا وعيوني الي صبت=على خدودي سال كل ازرقها في الغرفة الي كنها تابوتي=كذبت ماضي ضحكتي واصدقها خلاص يعني مت وانا عايش=ليت المنية واضحة واطرقها ياليتني اذوب نقطه نقطه=من قبل تضوي الشمس من مشرقها وتصير هذي الليله اخر ليله=واخذ صحايف دنيتي واغلقها |
رد: زهقان متملل وفيني ضيقة ------ يا ألله عليك يا خوي والله وجعت قلبي ليه هذه السوداوية اللي تعيشها يا خوي الدنيا بخير وانت ان شاء الله بخير القصيدة هي فكرة ربما ولكنها وجعت قلبي أكثر من التسبيح وينتهي مابك من ضيق وقول ينابيع قالت والتسبيح يفرج الهم تقديري لك اخوي اختك ينابيع السبيعي |
رد: زهقان متملل وفيني ضيقة ------ صح الله لسانك |
رد: زهقان متملل وفيني ضيقة ------ من جد كلمات حزينه يكسوها الالم والهموم ربي يبعد عنك الضيقه والحزن ياااارب،، بس كلمات حلووهـ كثير رغم مايملؤها من الم وحزن،، صح السانك وسلمت يمناك ويعطيك العافيه ماقصرت،، وفا http://www.3z.cc/sml/30/0001.gif |
رد: زهقان متملل وفيني ضيقة ------ قصيده وسبكك عالي جميله ياسر الصعب وانشالله ربي يشرح صدرك ياغالي أخـــــــــــوك |
رد: زهقان متملل وفيني ضيقة ------ نزف رائع ولكم جدا مؤلم .. يعطيك العافيه وبأنتظار ماهو مفرح ودمت |
رد: زهقان متملل وفيني ضيقة ------ شاعرنا العائد بكل اليأس ياسر الصعب رغم سواد الصورة إلا أنها تنطق بالجمال أهلا و مرحبا بعودتك مجددا أمنياتي لكَ بمزيد من الطمأنينة و الأمل دمتَ بكل الخير تحيتي و تقديري |
رد: زهقان متملل وفيني ضيقة ------ الياس حاصرني وانـا مـن بعـده ** احاصر انفـاس الامـل واخنقهـا اخوي صح اللسانك ,, ولا تيأس ,, الدنيا بعد فيها خير ,, دمت بكل حب ,, اللهم أشرح له صدره دوماً ,, |
رد: زهقان متملل وفيني ضيقة ------ في ليل اظلم من ظلامه صـدري البّـس افكـاري اسـى وارهقهـا واطفي مصابيح الضيا من حولـي واسحب خيـوط النـور وامزقهـا الياس حاصرني وانـا مـن بعـده احاصر انفـاس الامـل واخنقهـا ليش كل هاليأس قصيد يضيق الخلق وربي تفائل وانظر للحياه بنظرة تفاؤل وحب وسعاده الانسان قادر بنفسه ع اسعاد نفسه وع اتعاسهاا نتمنى عودتك بقصيد ارووع من هذا مليئ بالتفاؤل والامل تحيتي لك |
رد: زهقان متملل وفيني ضيقة ------ ياسر صح لسانك علي القصيده والكلمات الجميله ولاهنت |
رد: زهقان متملل وفيني ضيقة ------ بصراحة بعد غياب طال اكثر من سنتين وانا اتصفح سجلي الخاص وجدت هذه القصيدة التي لم احتفظ بها بين قصائدي انصدمت كثير لما قرأتها!! يالله معقول كل هذا التشاؤم كان فيني !!! ادمعت عيني وانا اقرأها كتبتها وانا في قمة اليأس وأنا اليوم اقوم برفعها مجددا وانا في قمة التفاؤل لكم قراءتها من جديد واوعدكم بكتابة قصيدة اكثر تفاؤلا منها ياسر |
| الساعة الآن 04:05 AM. |
Powered by vBulletin® Version 3.8.7, Copyright ©2000 - 2026, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..