ذكريات ايام الطفوله (( الله يخلف علينا ))
 

ذكريات ايام الطفوله (( الله يخلف علينا ))

ياشباب مره من المرات كنت قاعد اتمشى في غرفتي (حشى حديقه الملك فهد مو غرفة)

وقاعد احوس في اغراضي وفجاءه شفت صوره لي يوم اني صغير

مال امها داعي واغمى علي شوي ثم يوم صحيت قعدت اناظر الصورة زين ماش

لا زالت مال امها داعي وانا متأكد ان المصّور يوم صوّر ذيك الصورة استقال

عقبها وقال انا تارك اهلي ومغترب عشان أصور ذا الاشكال لا والله اروح لاهلي اصرف ...

بس احلا ما في الموضوع انها ذكرتني بايام الصبا .. ايام ثالث/ ب

الله يا الدنيا ايام السن توب في المخبات اليمين وسندويتش الجبن في

المخبات اليسار

وبدله الهلال تحت الثوب والشماغ عاقدته الوالده عشان بدري

على ام من جابتك تفكه وايام معك سلف ريال وايام حصه الرياضة اذا حذف

الاستاذ الكوره واجتمعنا عليه كلنا واللي يشوفنا من بعيد يحسبنا ناس مجتمعين

على حادث ومن شروط اللعب مافيه مزع الله يا الدنيا ايام اذا جاء فاول فصخت

الكندره اليمين مع اني الى الحين ما ادري وش الحكمه من ذيك الحركه الله

يالدنيا ايام اذا جت مباراة في الفسحه وشات واحد الكوره فوق في السماء

قالوا كل اللي يناظرون المباره ( هووووووه) الله يالدنيا ايام اول بلنتي ثاني

فاول والمخفات يقولون اول اوت ثاني مرمى الله يالدنيا ..



ايام اذا جيت البيت وانت ملعون جدفك مصفقينك ناس في سادس ابتدائي الله

ياالدنيا ايام التقويه في العصر وايام كان اللي عنده سيكل اربع وعشرين كان

كل اللي في الحاره يدقون له تحيه واللي عنده اتاري (( -- غبااااار )) اللي

عنده اتاري ما يتنزل يطلع للشارع يسلم علينا ايام اذا طلعت باالسيكل ورجعت

للبيت وعلى ظهرك خط اسود (( وهذا يجي بسبب اذا مريت من عند نقعت مويه

فالكفر اللي ورا يرش على ظهرك )) المهم اذا رجعت للبيت وقابلتك امك الحنونه

وشافت اللي على ظهرك وسددت لك خطافيه وانهت المباره بالضربه القاضيه

الله يا الدنياايام اذا جاء المطر ايام ما كان فيه تصريف للمياه زي الحين .. كنا

نجتمع في وسط الماء واللي يشوفنا يقول وش فرقه الانقاذ عندنا.. نطق لهم

باصبع ... الله يا الدنيا ايام الاختبارات كنا نلعب سبع الحجر وكنا نلعب لعبه

البلونات المليانه مويه ونجدّع على ذا السيارات واذا لحقنا ومسكنا نقعد نصيح انواع الصياح

مثل : 1- صياح من دون مناشق ( وهذا للمشاكل السهله )

2- صياح بمناشق ( هذا للمشاكل قليله الصعوبه )

3- صياح بمناشق قوي كنه واحد ساحب جلنط ( هذا للمشاكل الخطره )

4 - صياح يشمله نوع من ازرقاق في الوجه ( وهذا يدل على انك رحت وطي )

5- صياح اللي اذا بغيت تتكلم ما قدرت يعني انت تبي تقول مهوب انا ومع

الصياح من النوع ذا تلقاك تقول : مب اا وباقي الحروف الله واعلم وين راحن




الله يالدنيا ذيك الايام اللي كنا نشتري فيها كيسه الالعاب اللي فيها الحيوانات


نياهههههههههههه ههههههههههههههه

نياهههههههههههه ههههههههههههههه هههه

نياهههههههههههه هههههههههههههه


مــنقــولـ .. :36_1_21: :36_1_20: :36_17_4:

مشكور العود الازرقـ على النقل

وبدله الهلال تحت الثوب والشماغ عاقدته الوالده عشان بدري

على ام من جابتك تفكه وايام معك سلف ريال

هههههههه

على بالي انا الوحيد اللي كنت البس ترنق تحت الثوب

لوووووووول

العود الازرق

صدق ذكريات جميله

وتسلم على
خفة الروح



وشكرآ