مرحبا ياحي صـوت مقـره بالصميـم =صوت من يبعد عن القلب حزنه مع شقاه
ثابة(ن) بقصى ضلوعي غـلاه ومستديـم=جعل عـذال المحبـه فـدا خلـي فـداه
نادر وصفه وأظنـه بعـد شبـه العديـم=جل من صـور جمالـه وكملـه أبحـلاه
كاحل ربي عيونه عليـه اسـم الرحيـم=يوم غيره حط كحلن من السوق أشتـراه
مثل نور البدر وجهه وعنقه عنق ريـم=والبرد في مبسمه حاضنـه جمرالشفـاه
كن عوده عـود ميـاس راوين مستقيـم=ضامر خصره وصدره على بشـة نبـاه
لا وقف وقفت كسير القـدم لـوه سليـم=ينثني من خصره وردفه أيشيـل العبـاه
ولاهرج في كلمته هيبة الرجـل الحكيـم=ولا زعل كلّ يدور على بسمـة رضـاه
الحبيب الوافي اللي على قلبـي حشيـم=عل منهو لا يمن قلبـي أ يُلوعـه غـلاه
كل مبطى رده الشـوق شفقـان وهيـم=وكل مبعد عنه أعود وأنا ميـت ضمـاه
وكل ما يطرونه أيهبهب الغربـي نسيـم=وأنشي به عشق وأتوه في وادي هـواه
العمر كل العمر دوم فـي وصلـه نعيـم=دام هم الصدر لا شفتـه بعينـي جـلاه
هو هواي ودنيتي بذر حبـه مـن قديـم=و النقاء وأحلى معان المعـزه محتـواه
صوته اللي تل قلبي وجرحـي مستليـم=والله أن أموت والحب له محـد سـواه

تحياتي

لكم

أ
خ
و
ك
م