حِلوتـي .. أجـمـل نـسـاء العولـمـه=هاديـه مـاهـي تـحـبّ الشـوشـره !
مـن ( أرسـطـو ) فلسفتـهـا تستـمـدّ=قـارئـه , مستـدركـه , مستشـعـره !
ومن ( جيفارا ) طابـع الثـوره خـذت !=حكمتـه صبـره .. وحـتـى منـبـره !
الملامـح كيـف أبوصفـهـا .. كــذا :=صـبـح والا لـيـل دايــم مـنــوره
شعرهـا أسـود وخصـلاتـه حُـمـر !=طلقـة ( الشبّـاب ) لا بـان أحـمـره !
العيـون وسـاع طاغيـهـا ( تــرف )=ما لحقها لا ( كُحل ) .. او ( مسكـره ) !
والشفايـف توتـهـا مـاهـو بـتـوت !=العسـل لا مـن تحـاكـت .. تقـطـره !
بالـحـلا مـحـدٍ يـوقّـف جنـبـهـا !=ما اظنّ ! .... الا قـزاز ( المنظـره ) !
لا تحاكـت كـل ذا العـالـم سـكـت !=كنّها ( تغرّد علـى غصـن .. شجـره ) .
صوتها .. ( نغمه ) رومانسيّـه ( بحـت )=مـن سمعهـا .. لازم انهـا تسـحـره !!
ولا زعلـت .. كـل الزوايـا تستضيـق !=ولا رضت .. حتى ( الحرامي ) تعذره !!!
كنهـا ( تحفـه ) مـن العصـر القديـم !=كنّهـا ( طلـسـم ) ومـحـدٍ فـسّـره !

علمته يشيل السيف ويسله في وجيه اغراب=واول ما قوى شيله رفع سيفـه وتحدانـي
علمته الرمايه زين ولا يتعب ولا يرتـاب=واول ما قوت يمنـاه صوبنـي ورمانـي