|
ههههههههههههههه هههه لا تفوتكم واقعية اللـي مـا أعـرس اقرؤوها كاملة اللي ما أعرس وتوه يبي يستانس واللي أعرسوا كان الله في عونهم ** الفرق بين المرأة في السنة الأولى من الزواج والسنة العاشرة ** السنة الأولى تشير الساعة إلى 6:30 صباحا تودع زوجها وهو طالع للعمل وتقول له بالسلامه يا حبيبي الساعة 11 صباحا تتصل عليه في العمل وتقول له حبيت اسمع صوتك بس يا عمري الساعة 3 العصر تستقبله وهو متشيكه وتبوسه وهو داخل للبيت وتقول له الغدا جاهز يا حياتي ..تحب أحطه لك الحين ؟ الساعة 5 العصر تصحيه من النوم ببوسه وتقول له اعمل لك شاي يا حبي ؟ الساعة 6 المغرب تسبل عيونها وتقول بكل خجل يا ريت يا حبيبي .. يعني لو ما عليك كلافه .. يعني إذا تقدر توديني شوي لبيت أهلي إذا كنت تقدر يا عمري وقبل ما ينطق بكلمه ( إذا ما تقدر خلاص مو لازم ) وطبعا يضيع هو في نظره من عيونها ويوديها لأهلها ولو أنهم ساكنين في الدمام وهو ساكن في الخبر الساعة 8 بالليل تتصل على الجوال وتقول ( اشتقت لك يا عمري .. يا ريت تمرني ونروح للبيت ) وطبعا هو عارف وش بيجيه في البيت فيطمر ويقول للشباب آسف والله يا شباب راسي مصدع ولازم امشي الساعة 10 بالليل تجلس في حضنه وتقول ( الله يا حبي تتذكر ؟ تتذكر أيام الخطوبة لما كنت تعمل المستحيل عشان تشوفني .. وأنا قد ايش كنت سعيدة بشوفتك ياعيوني الساعة 11 بالليل الوصول إلى هذه الصفحة غير مسموح !! بعد مرور عشر سنوات الساعة 6:30 صباحا هي في سابع نومه الساعة 11 صباحا هي برضه في سابع نومه الساعة 3 العصر تستقبله وهي نافخه خشتها وتقول ( شف لي حل مع ولدك سعد هذا ..حتى الآن ما حل الواجب .. وسوير الله يأخذ عمرها إن شاء الله شاقه مريولها في المدرسة .. عطني فلوس لازم ... أروح اشتري لها واحد غيره ... وصويلح يبي علبة هندسه .. توه يقول لي يوم أن الاختبار صار بكره ... وترى موضي تكنفست مع الدرج وهي كانت في المشاية ... والظاهر إنها تعورت ... كله من هالشغاله الله يا خذها ... اسمع يا آنا يا هالشغاله في هالبيت .. أبيك اليوم تسفرها ما أبي أشوفها وأبيك بسرعة تقدم على وحده ثانيه ... وما أبيها تصير حلوه .. يا ويلك لو صارت حلوه ... وبعدين شغالتي أبيك تشرط عليها إذا سفرتها ما عاد تشتغل عند احد .... عشان ما تقول إسرار بيتنا للناس اللي تشتغل عندهم ( ما تدري أن أسرار بيتهم كلها عند الجيران من لسانها هاللي وش طوله ) و …و …..و الساعة 5 العصر هي تفك هوشه بين سوير وأخوها ويصحى هو على صوتها وهي تهاوش وتدعي عليهم بجميع الأمراض الخطيرة الحديث منها والقديم ( جعلكم للطاعون …جعلكم للحمى …جعلكم للوادي المتصدع …جعلكم للحمى القلاعية ..الخ ) الساعة 6 المغرب هو جالس يشرب الشاهي وهي تقول ( نبي نروح لامي بتجيهم بنت خالة جد ولد عم أبوي ... وبعدين نبي نروح نشتري للبنت مريول .... وبعدين بنت عمي والده ولازم أروح اشتري لها هديه من باتشي و أبي أمر على المشغل .. وبعدين حطنا عند أختي في الشفا من زمان ما شفناهم ! وفي هاللحظه فكر هو انه يشتغل ليموزين أحسن له الساعة 8 بالليل تتصل على الجوال ( وينك فيه ؟ وبعدين وين بتروح ؟ ومنهو اللي معك هذا ؟ ووش بتسوون ؟ ومتى بتجي ؟ لا ما فيه الساعة تعال الساعة 10 الساعة 10 بالليل جالسين هي وياه عند التلفزيون .. أخيرا هدوء ...والعيال نايمين ...والجو جميل .. وفجأة تطالعه وهي ماده بوزها وتقول ( الحين أمك وش عندها اليوم ما ترد يوم إني سلمت ؟ هاه ؟ ( والله ما ادري كان سألتيها ) ( وأختك وش هالحركات اللي مالها سنع ... ليش عازمة الجيران وكل حريم إخوانك إلا أنا ؟؟ لكن هين والله لأسوي عزيمة وما أناديها .. أصلا هي ما زارتني في المستشفى يوم إني ولدت وأنا فاهمه قصدها ..لكن هين ..والله لو تحب السما مانيب زايرتها إذا ولدت ... وبعدين بنات عمك وش عندهم نافخين عمرهم ؟؟ على ايش أبي افهم .. على جمالهم الزايد اللهم لك الحمد بس ) تسكت شوي بعدين تقول ( وبعدين أختك نوره يوم إنها تقول أن سعد ولدي يشبهني ما يشبه أبوه وش قصدها ؟ هاه ؟! ملاحظه : سعد هو أشين إخوانه أنا فاهمه قصدها وتراها إذا ما بطلت هالحركات والغمز واللمز تراني أبسمعها كلمتين وأخليها تحترم نفسها ... لا وذاك اليوم تقول اخوي محمد ( اللي هو الزوج ) حلو مره و3 من حريم الجيران قد خطبوه لبناتهم .. ( من زينك بس ما ادري وش لاقين فيك ) يسكت وما يرد ! تسكت هي ثم تقول ( وبعدين أخوك شاري لحرمته ساعة قيمتها عشرين ألف ريال ) يرد ( طيب وش المشكلة ؟ ) ( وأنا ليش ما تشتري لي ..وألا أنا ما استاهل .. وألا هي يعني أحسن مني .. بلاك ما شفتها ... شينه وطبايعها شينه وحتى طبخ ما تعرف تطبخ ) ( خلاص اشتري لك ساعة ) تعصب وتقول ( إيه تسكتني بهالكلام .... والله لانت شاري ولا شي ) ( وش تبيني أقول يا بنت الحلال ؟ ) تقوم وهي تبكي خلاص ما أبي منك شي ! الساعة 11 بالليل هي زعلانه و نايمة مع العيال وهو يتحسف على اليوم اللي تزوج فيه !! |
رد: ههههههههههههههه هههه لا تفوتكم واقعية ههههههههههههههه ههههههههه اشوا انك علمتينا مو متزوووجين كلش يعطيكي العافية |
رد: ههههههههههههههه هههه لا تفوتكم واقعية ههههههههههههههه ههههههههههههه حرااام عليك الماسه موب كل الحريم كذا هههههههههه يعطيك العافيه ع الموضوع الحلو ماقصرتي،، وفا http://www.3z.cc/sml/30/0001.gif |
رد: ههههههههههههههه هههه لا تفوتكم واقعية الوصول إلى هذه الصفحة غير مسموح !! حتى أنت الماسة سويتي لنا لايمكن الوصول الى هذه الصفحه ههههههههههههههه أيه العذارى ما بغنه حصلنه ,, قلبت عليه بعد مرور هالسنين ,, نسيتوا يعني البدايات ,, ماقصرتي والله وناسة موضوعك خخخخخخخخ اكملي ,,, ,, ماقصرتي الماسة ,, دوم الضحكه ,, |
رد: ههههههههههههههه هههه لا تفوتكم واقعية وش بلاكم على حبايبنا والله ما يستاهلون |
رد: ههههههههههههههه هههه لا تفوتكم واقعية 8 8 8 أحلى رد ..عجبني مشكوره يالغاليه ودمتي |
رد: ههههههههههههههه هههه لا تفوتكم واقعية الساعة 5 العصر هي تفك هوشه بين سوير وأخوها ويصحى هو على صوتها وهي تهاوش وتدعي عليهم بجميع الأمراض الخطيرة الحديث منها والقديم ( جعلكم للطاعون …جعلكم للحمى …جعلكم للوادي المتصدع …جعلكم للحمى القلاعية ..الخ ) ههههههههههههههه ههههههههههههههه ههههه صراحه موضوع قوي ورائع واشكرك ياالماسه عالصراحه |
رد: ههههههههههههههه هههه لا تفوتكم واقعية هلا روحي تحبك اشوا اني علمتكم خخخخ ابد انتم اللي جايين برجلينكم الله سعطيك العافية اخوي الكريم |
رد: ههههههههههههههه هههه لا تفوتكم واقعية هلا وفا العيون المشكلة انهم كذا شكرا على مرورك الجميل |
رد: ههههههههههههههه هههه لا تفوتكم واقعية هلا حفيد مجمش يعني وش تبي الصفحة مفتوحة خخخ الموضوع الثاني عاد خاص فيكم لا تستعجل رزقك شكرا على مرورك الجميل |
رد: ههههههههههههههه هههه لا تفوتكم واقعية هلا اخوي محمد بن تركي والله انك صادق مانستاهل شكرا على مرورك الجميل |
رد: ههههههههههههههه هههه لا تفوتكم واقعية هلا همس شكرا على مرورك الجميل اختي الكريمة |
رد: ههههههههههههههه هههه لا تفوتكم واقعية هلا اخوي عالي مستواه الحمدلله انبسطت على الموضوع الشكر لمرورك اخي الكريم |
رد: ههههههههههههههه هههه لا تفوتكم واقعية ههههههههههههههه ههههههههههههههه ههههههههههه |
رد: ههههههههههههههه هههه لا تفوتكم واقعية هههههههههههههه |
رد: ههههههههههههههه هههه لا تفوتكم واقعية الساعة 6 المغرب تسبل عيونها وتقول بكل خجل يا ريت يا حبيبي .. يعني لو ما عليك كلافه .. يعني إذا تقدر توديني شوي لبيت أهلي إذا كنت تقدر يا عمري وقبل ما ينطق بكلمه ( إذا ما تقدر خلاص مو لازم ) وطبعا يضيع هو في نظره من عيونها ويوديها لأهلها ولو أنهم ساكنين في الدمام وهو ساكن في الخبر ههههههههههههههه ههههههههههههههه هههههه تخيلت الحرمة مررررررره ترحم تسبل عيونها وتقول بكل خجل يا ريت يا حبيبي .. يعني إذا تقدر توديني شوي لبيت أهلي لا حظو (( شوي )) والله حركتات الحريم في السنة الاولى يعني قصدك كان المفروض الواحد كل سنة يتزوج من جديد |
رد: ههههههههههههههه هههه لا تفوتكم واقعية ههههههههههههههه هه حلوة مرة |
| الساعة الآن 05:09 AM. |
Powered by vBulletin® Version 3.8.7, Copyright ©2000 - 2026, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..