|
من يبي أختها بشروطي أمس اتصل علي واحد يقول : ما دريت عن أبو خالد ( مرفوع على الحكاية ) قلت لا والله وش فيه قال : أظن انه منوم في المستشفى وتقريبا له أسبوع ، أبو خالد هذا صديقنا وحبيبنا - دعواتكم له بالشفاء العاجل - رحت ازاوره اليوم دخلت عنده سلامات ، قال : ( مراره الله لا يعيد الشر ) لكن السكر شوي مرتفع وان شاء الله ينزل للمستوى الطبيعي ونعمل العملية بطريقة المنظار أو ما يسمى طبيا عملية اليوم الواحد ، إن شاء الله تعملها وترجع لعيالك بالسلامة ، لكن لفت نظري الغرفة التي يرقد فيها - ما شاء الله - كانت زوجته خلف الستار القماشي أو الحاجز الأسري ، الغرفة بصراحة منظمة بشكل غير طبيعي ، كنت أتمنى تصويرها بس أخاف أروح فيها ، أم خالد ما شاء الله جعلت من غرفة زوجة مكان يفتح النفس واعتقد هذا نوع من العلاج النفسي ، صراحة غرفة في فندق وليست في مستشفى وهذا بفضل زوجته ، غيرت فرش السرير ( المفرش واللحاف جايبه من بيتها مفارش ولحافات ) الورد اللي يرد النفس ، ست فوط ( مناشف ) على كم ثوب منزلي في التعليقه ، شبشب فرو علشان ما يتضرر زوجها من برد السيراميك جلسة ، دهن العود تفوح ريحته من الغرفه والفوط عربية شعبية ( قهوة + شاي + شاي اخضر + شاي زنجبيل + نعناع ) والحلويات ( ضميد خلاص + ضميد سكري + كواليتي + جواهر + حلويات الدبلوماسي ) إضافة إلى الموالح وأنواع الفطائر ، وابنه ما شاء الله يباشر عليك كل شوي والسلال قطوفها دانية ، قلت له مشاهدة هالحلويات فقط تسيل اللعاب ويمكن هي اللي ترفع السكر عندك ، تعجبت من زوجته وما فعلت ، سألت نفسي : هل يوجد الآن مثل هذه النساء ؟ فإذا كانت هذه حشيمتها لزوجها في المستشفى فكيف ستكون حشيمتها في المنزل ؟ والله لساني كاد أن يزل وأسألها : يا أم خالد مالك أخت اصغر منك ومثلك في الحشيمة ؟ والله إني طلعت من المشفى وركبت السيارة وأنا متعجب من فعايلها وصنيعها، يستاهل والله أبو خالد والله يرزقنا مثلها ، الله يشفيه ويخليه لعين ترجيه 0 |
رد: من يبي أختها بشروطي يا كابتن كل العالم كذا وش حسبالك سجاد ارضي وفوط ومفرش نفس الون وفازات لا ونجيب صباب وقهوجي وانت طالع تاخذ معك هدية المريض وهي مجموعة من الاذكار والادعية وقرآن واحيانا دهن عود وعلى حسب الذوق في الاختيار كل الناس كذا يا كابتن |
رد: من يبي أختها بشروطي هكذا الحال اليوم ... مبالغات وبذخ بشكل غير طبيعي لما ؟؟!! لو تسويها بالبيت معليش لكن بالمشفى ؟؟ وتفتح الانظار عليها ليش ... مشكور اخوي على هيك موضوع ... |
رد: من يبي أختها بشروطي اقتباس:
:36_1_55: :xdeen: تحياتي لك ياكابتن |
رد: من يبي أختها بشروطي حلو الاهتمام بالزوج سواء كان بالبيت او بمكان ثاني بس بحدود موب لهدرجه يعني وجودها ووقوفها جنبه يكفي من كل هذا اللي سوته بالمشفى ولما تروح البيت مع زوجها تسوي اللي تبيه في بيتها،، ربي يوفقهم بحياتهم ويسعدهم،، يعطيك العافيه ماقصرت والله،، وفا http://www.3z.cc/sml/30/0001.gif |
| الساعة الآن 03:49 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..