مجالس الرويضة لكل العرب - ماهو خطا لاقلت ( تآمر على شيّ )

مجالس الرويضة لكل العرب (http://www.rwwwr.com/vb/httb:www.rwwwr.com.php)

- صهيل القصيد (http://www.rwwwr.com/vb/f58.html)

- - ماهو خطا لاقلت ( تآمر على شيّ ) (http://www.rwwwr.com/vb/t12021.html)

ماهو خطا لاقلت ( تآمر على شيّ )

السلام عليكم

بدون مقدمات

وجعل ربي ما يحدكم على الفرقا

حيل الله اقوى مابقى في يدي شيّ
مافيه حل ٍ في يدي .. ماذخرته

حاولت .. لكن المحاصيل هيّ هيّ
الطير طار ولا بقى الا شجرته

وقفّت اشوف شويّ واغمّض شويّ
واللي انكسر في خاطري ماجبرته

لين إلحقت شمسي على بارد الفيّ
وشفت ان كل اللي جمعته خسرته

من كثر ماعزيت ريقي عن الميّ
ملّ الصبر من كثر صبر ٍ صبرته

كم هقوة ٍ ضاعت على سكة الغيّ
وكم حلم ف( تراب ) الحقيقه قبرته

واقف .. وطعنات الزمن كلها فيّ
وساقي لو انه كلّ مني / كسرته

بعد ماعاش اليأس في احساسي الحيّ
اخوي .. لو هو صد عني عذرته

مدري عن اللي كنت احسبه بقى ليّ
اللي حزمت ابه الضلوع وذكرته

اللي طوى حالي بحكم الهوى طيّ
قصّر .. وانا كل الطريق اختصرته

ماهو خطا لاقلت ( تآمر على شيّ )
الا الخطا .. لا اشتقت له وانتظرته

لـ:..•●->[مشعـآن الـبـرآق]<-●•