بـدر الـظـــلامــ - فهد السهلي

ابيات فاقت الجمال لشاعر فهد السهلي

شاعر يكتب بروح الشعر يلامس احاسيسنا


اترككم لتشاطرون الاعجاب ..

دعتني الذكرى ومريتـك مثـل حلـم المنـام=عبر سبيل وطالت المـده وانـا عابـر سبيـل
يازين طيف الوصل ما بيـن الجفيـا والغـرام=حشم مثل وجه العزيز وجانـب العـزه ذليـل
لعل وجه العز في الدنيا على احسـن مايـرام=وجه المذله للفنا في كـل بيـت وكـل جيـل
حبيت اوضح مقصدي من بـاب زود الاحتـرام=وأن المحبه من غلاك اصبح لها قلبـي كفيـل
تجبرني امرك مرور اكرام لو من بعـد عـام=وعصيت قلبي عن مرورك كل يوم وكـل ليـل
هذا شعوري في هواك وباقي اسـرار وكـلام=عن ساعة الذكرى ومر الصبر والليل الطويـل
لايلحقك منـي مـلام ولايجـي منـك مـلام=عندي على حبك دليل ومعك عن حبـي دليـل
من غير ديوان القصيد اللي بأسم بدر الظـلام=اهديه لعيون الغلا واهـداء للطـرف الكحيـل
يوم اتشـرف باالهـوى لازم يشرفنـي مقـام=ياغصن بانٍ كل ما هب الهوى عـوده يميـل
اسرفت واسراف المحبـه لاحـلال ولاحـرام=رغبه وثلثين البشر تشفق على الوصف الجميل
سكنتي بقلبي غرام ورشحـك مسـك الختـام=ياهل ترا جنسك قليـل ايـوالله ايـوالله قليـل
لـو يزعلـن المحصنـات ويدعـن الاتهـام=انا بري براءة يوسـف واعتـذاري مستحيـل
يحق لك ياداعي الذكرى نشوفك فـي المنـام=ونستقبل اطياف الغرام وحضرتك عابر سبيـل

لعل وجه العز في الدنيا على احسن مايـرام
وجه المذله للفنا في كـل بيـت وكـل جيـل

صح السان الشاعر فهد السهلي ,,

مجروح جميل بأختيارك ,,

صح لسان الشاعر

قصيده جزله

:


ودمت

صح لسانك ولسان الشاعر فهد السهلي

علي القصيده والكلمات الجزله

ولاهنت

يحق لك ياداعي الذكرى نشوفك فـي المنـام
ونستقبل اطياف الغرام وحضرتك عابر سبيـل




مجروح صح لسان الشاعر فهد

ولا هنت على الاختيار