|
الشوق جاير .. وجور الشوق لعيونك_ مطلق النومسي الشوق جاير .. وجور الشوق لعيونك والحب بيّن .. بعيني .. يوم حبيتك يا مبعد .. عناد قلبي .. مايعرفونك حتى لو إني .. عزفت إسمك .. وغنيتك ساندت صبري .. وراك .. وطاح من دونك وجيتك .. وأنا لا بغيت الصدق ؟ .. ما جيتك أهلكني الوجد.. وأنت أهلكت .. مفتونك وعلمتني .. كيف أونّك .. لين .. ونّيتك ياليتك .. تشيل دمعي .. في حِجر .. نونك أو ليتك .. تردني عن قول يا ليتك مابين سكر عنبك .. ولذع ليمونك شربت مرّك على شانك .. وحلّيتك تكفا .. فديتك .. شوي .. شوي .. على هونك تراك غالي .. وأنا زوّدت .. وأغليتك وإن شفت .. أهل بيتك المعمور .. يغلونك؟؟ شف قلبي .. أصدق غلا .. من كل أهل بيتك لاتسمع الناس .. لو كانوا .. ينادونك إسمع صدى صوت قلبي .. يوم ناديتك قل سم.؟.. أو قل هلا.؟ أو قول .. يا عونك ؟ ما تدري إنك.. ليا ناديت.؟.. لبّيتك لبيه .. لامن ضحكت .. وبانت سنونك وأخفيت مبسمك .. بين أطراف جاكيتك حبيتك بعقل .. لين أصبحت .. مجنونك وذبحت .. شعري .. لأمل لقياك .. وأحييتك متى على الله .. تضمّ.. عيونى .. عيونك؟؟ وأنشدك بالله قلّي .. ليش حبيتك؟؟ |
رد: الشوق جاير .. وجور الشوق لعيونك_ مطلق النومسي يابري حالي ..:) ذوق روووووووعه وصح لسان الشاعر ولسانك يالغلا ودمتي |
رد: الشوق جاير .. وجور الشوق لعيونك_ مطلق النومسي دموع صح لسانك ولسان شاعرها ولاهني ع الاختيار الجميل |
رد: الشوق جاير .. وجور الشوق لعيونك_ مطلق النومسي صح بدنكم وياهلا بكم منورين لاخلا ولاعدم من هالحضور |
رد: الشوق جاير .. وجور الشوق لعيونك_ مطلق النومسي مابين سكر عنبك .. ولذع ليمونك شربت مرّك على شانك .. وحلّيتك قصيده غايه في الجمال كل الشكر لك عالنقل الجميل |
| الساعة الآن 08:31 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..