مجالس الرويضة لكل العرب - صادفتها صدفة بمستوصف القمة

قائل هذه القصيدة تزوج ابنة عمه وعاش معها سنتان وعند ذلك حدث خلاف

بين ابيه وعمه والد الفتاة كان من نتيجته اجباره على تطليق زوجته وبعدها

بسنوات كان هذا الرجل يقوم بمراجعة لطبيب الاسنان في مستوصف القمة

وشاهد طليقته ترافق اخيها في هذا المستوصف وقال هذه القصيدة يصف

بها الموقف

صادفتها صدفة بمستوصـف القمـه=بالعين راعيتهـا لحظـة وترعانـي
شميت انا عطرها ويا بخت من شمه=يدوخ ويسكر ولو ما هوب شربانـي
قمت اتذكـر زمـان فـات والمـه=لا عـاده الله نصيـب يـوم ودانـي
هلت دموع العيـون ولا بقـى غمـه=مما جرى لي نسيـت الام الاسنانـي
معها اخوها رفع كفـه علـى فمـه=كنـه يقـول الله الستـار يا قـانـي
نفس الملامح ويشبـه دمهـا دمـه=سبحان رب خلقهم دعـج الاعيانـي
يدري بحبي وتـدري امـه وعمـه=حال القدر بيننـا والحـب سلطانـي
يبكي ويمسح دمـوع عيونـه بكمـه=يبكي على شانها ويبكي على شانـي
والله لولا الحيـاء والديـن لاضمـه=واسمعه شهقة مـن قلـب شفقانـي
والحب بلوى ومنـة النفـس ملتمـه=وش حيلتي والغضي دمي وشريانـي
اسمي يروح ويجي والقلب من يمـه=القلب عنـده يبيـه ولا يبـي ثانـي
اقسم بربي وانا لـي مذهـب وذمـه=لاعيش احبة ولو حبه علـي جانـي
شربت كاس الهوى ورويت من سمه=ما مت وارتحت ولاهوب اللي احياني
اضحك مع الناس والاحزان منضمه=كني سعيد وانـا مبلـي بالاحزانـي
عندي وصية وتـال الهـرج يا يمـه=الموت حق على القاصي مع الدانـي
وان صرت فوق النعش والناس ملتمه=مروا على بيتها وتشـوف جثمانـي
قولوا لها الموت زم صويحبك زمـه=ما مات حبه ولو هو بالنعش فانـي
شلنـاه للمقبـرة وادعيلـه القـمـه=خوذي جواده وجودي له بالاحسانـي
يالله يالمقتـدر يا كـاشـف الغـمـه=تفرج لمـن حالتـه دوم بنقصانـي