استلذي ياجروحي

#1 (**permalink**) 03-01-2008, 04:08 PM

وش تبينا ياهجوس الشعر بالله نبتدي بـه
في بدايات النهايـه ينتحـر بـوح الكـلام
.
يصبح المنفى بعيد وتصبح السكـه كئيبـه
ولا لي الا نار شوقي في دهاليـز الظـلام
.
اوقد من الشوق ضوي لين يحرقني لهيبـه
شمعةٍ لك تحترق من شوقها حب وغـرام
.
ماحسبت الا الفراق الله عسى ربي حسيبه
لا شكيت الا الوجود اللي بدا يصبح عـدام
.
استلذي ياجروحي ..دام قلبـي ذا نصيبـه
ايه سوي ماتبينه ... خلي اضلوعي حطام
.

استفيضي يادموع العين من هول المصيبه
واستهلي فوق خدي ... مثل همام الغمـام
.
والله اني لو بكيت فراقها ماهـي غريبـه
دام دمع العين فيها .. من يقول انه حـرام
.
الحرام افراق بعد الحب محبـوب لحبيبـه
لا تذكر ماضي الايـام مـع ذكـراه هـام
.
والله ان الشوق فيني شيب رموشي نحيبه
وش دوا العين الحزينه دام عنها النوم صام
.
وين انا والنوم وينه .. ياعسى ربي يجيبه
كل ماغمضت عيني صـاح جفنـي لاتنـام
.
الحزن سلطان في عمري وله قدرٍ وهيبـه
والسعاده في حياتـي مالهـا قـدر ومقـام
...
..

منقولـ

#2 (**permalink**) 10-01-2008, 05:27 PM

صح لسانك وصح لسان شاعرها

#3 (**permalink**) 11-01-2008, 07:12 AM

الحرام افراق بعد الحب محبـوب لحبيبـه
لا تذكر ماضي الايـام مـع ذكـراه هـام

صح اللسان الشاعر ,,

اهنيك على جمال النص وذوقك في الاختيار

#4 (**permalink**) 11-01-2008, 01:03 PM

لهلوة

صح لسانك ولسان شاعرها

ولاهنت

#5 (**permalink**) 11-01-2008, 07:33 PM

.
الحرام افراق بعد الحب محبـوب لحبيبـه
لا تذكر ماضي الايـام مـع ذكـراه هـام
.
والله ان الشوق فيني شيب رموشي نحيبه
وش دوا العين الحزينه دام عنها النوم صام
.
اخي لهلوه كلمة رائعه قليل في حق ذائقتك قصيد ولا اروووع
ولكن دائما لاتذكر اسم الشاعر نتمنى التدوين في اسفل القصيد

شاكره لك هذا المجهود الواضح

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع	تقييم هذا الموضوع
الانتقال إلى العرض العادي العرض المتطور الانتقال إلى العرض الشجري	تقييم هذا الموضوع:

استلذي ياجروحي

صهيل القصيد