|
الافضل في تعليم اللغه الانجليزيه السلام عليكم ورحمة الله وبركاته مرحباً فيكم ,, أستفتاء : ما هي أفضل المعاهد لتعليم اللغة الانجليزيه بالرياض ؟ من حيث التعليم ,, ويذكر لي المعلمين وش هم كنديين ,, بريطانيين ,,عرب ,, أحد يفيدني ؟ من عنده معلومات الرجاء لا يبخل فيها ,, اللي تعرف عنه أكتبه لي ,, ولكم الدعاء مني ,, دمتم أحبتي ,, |
رد: الافضل في تعليم اللغه الانجليزيه حفيد الأفضل كثير بس بإذن الله بقولها لك بكرة لاني بطلع الحين اوعدك بكرة اقولك المعاهد ... ونظامها |
رد: الافضل في تعليم اللغه الانجليزيه بالانتظار بس تراي مستعجل ,, |
رد: الافضل في تعليم اللغه الانجليزيه حفيد مرحبا اخبارك شوف اخوي خذها مني المعاهد ماتصلح ولا تتعب حالك فيها روح برى احسن لك ومافيه فرق بالسعر نفس الشيء اسأل مجرب انا رحت ثلاث شهور ورجعت والحمد لله مافيه كلمة صعبت علي |
رد: الافضل في تعليم اللغه الانجليزيه أدري برى أفضل ,, بس مجبور الحين ما أقدر أطلع برى السعوديه ,, أبي الحين أمشي بها شوي أموري أبي الخطابه تنقصني شوي ,,, تعرف شي هوون ؟ يعطيك العافيه لتواجدك |
رد: الافضل في تعليم اللغه الانجليزيه فيه معهد الافق للغات ممتاز ابن عمي فيه تحسنت لغته شوي |
رد: الافضل في تعليم اللغه الانجليزيه حفيد فيه معهد نيو هو رايزن اخوي دارس فيه ويمدحه الصراحه رهيب واتمنى انه يفيدك |
رد: الافضل في تعليم اللغه الانجليزيه حفيد سجل معك واحد نفر اذا بغيت تدرس سجل اسمي |
رد: الافضل في تعليم اللغه الانجليزيه حياكم جميعاً روحي تحبك ,, معهد الافق سمعت عنه كثير حلو بس ابي اقوى منه ,, عالي مستواه معهد نيوهورايزن في مجال الكمبيوتر أفضل هي بكثير ,, علماً جميع المعاهد تتبع لمراكز نيوهورايزن السعودية ,, بحثت في الشبكة العنكبوتيه يمدحون دايركت انكلش ,, دخلت عليهم بوقعهم ولقيت هرج كثير أمرهم بكره واشوف ,,واسمع ناس من الزملاء يمدحون بس ابي واحد دارس أفضل ,, آخذ المعلومه منه ,, أبو سيف للعلم جميع المعاهد من السبت القادم يبدون دراسه وانت تختار صباح مساء في اليوم ثلاث ساعات دراسه طوال الاسبوع واحد نفر معاي الحين احد يبي يسجل ,, |
رد: الافضل في تعليم اللغه الانجليزيه انا اسمع عن المعهدالسعودي البريطاني لتعليم اللفة الأنجليزية ، معهد ممتاز ، مدرسينه من الجنسية البريطانية يهتم كثير في اساسيات اللفة من نطق وكتابة ومحادثة بس بقولك شغله اذا ماتمارس اللفة لاتدرسها، يعني ممكن تعب روحك وتنسي مادرست بالتوفيق |
رد: الافضل في تعليم اللغه الانجليزيه معهد الأداره خطير : ودمت |
رد: الافضل في تعليم اللغه الانجليزيه السلام عليكم ... المعذرة حفيد على التأخير بس شوية ظروف ... المهم ندخل في الموضوع بالنسبة لي وعند تجربة عيال خالي وأخوي دخلوا المعهد البريطاني إلي (بحي السفارات) هذا ممتاز والأساتذة فيه بريطانيين ويعجبونك كثير ... بس الله يعينك على التفتيش خصوصاً لو درست صباحي طبعاً اخوي اخذ مسائي وبالنسبة لنظامهم كان كورسات مدة كل كورس شهر ولكل كورس طبعاً الحقيبة الخاصة فيه ( من كتب منهجية حوالي (3 كتب ) _ كاسيت _ أشرطة فديو ) وفيه بريك للصلاة طبعاً وانا امدحك فيه لانه المدرسين مؤهلين من بريطانيا وهو تحت اشراف السفاره البريطانيه بالنسبة لأول زيارة لهم يتم فيها تحديد المستوى عن طريق امتحان على جهاز الكمبيوتر مدتة ربع ساعة تقريباً والأمتحان يعتمد كلياً على السرعة ،، بس الحلو انهم مايجبرونك بالمستوى إلي حدده لك الجهاز بمعنى تقدر انت تختار بين المستويات ومايجبرونك بنتجية الحاسب يعني المستوى الأول والثاني هذولي إنساهم لانها تأسيسية (فوانديشن) هذا إلي ببالي الحين بالنسبة للوقت اتوقع 3 او 4 ساعات يومياً مدري كم بالضبط بس الأرجح انها 4 ساعات ـــــــــــــــ ـــــــــــــــ ـــــــــــــــ ـــــــــــــــ ـــــــــــــــ ـــــــــــــــ ــــــــ فيه كمان معهد ELS. مدرسين من أمريكا ـ أغلبهم مسلمين . (طريق التخصصي) بس ما أدري عنه بس الكل يمدحه ـــــــــــــــ ـــــــــــــــ ـــــــــــــــ ـــــــــــــــ ـــــــــــــــ ـــــــــــــــ ـــــــ فيه أكاديمية الفيصل العالمية. (أربع ساعات يوميًا، يغلب عليها العرب). ( طريق الملك عبدالعزيز) وحدة من صديقاتي درست فيها تقول ماعليها ماشيء حالها ـــــــــــــــ ـــــــــــــــ ـــــــــــــــ ـــــــــــــــ ـــــــــــــــ ـــــــــــــــ ـــــــ مراكز (نيوهورايزن دايركت انجلش) تابعة لشركة الخليج للتدريب و التعليم نجي لشيء انا ما آنصحك فيه نهائي لاني انا جربته ... وهو دايركت انجلش بالنسبة للكادر التعليمي ياسعوديات ياجنوب افريقيا نظامهم عبارة عن كوسات كل كورس شهرين والتعلم عندهم كأني بمدرسة مافيه أي تطوير عندهم بالإضافة إلي الأسعار عندهم غالية على غير سنع انا آخذت عندهم ستة شهور بس الحمدلله انو لغتي من قبل حلوة وإلا كان صارت علوم لانو دراستهم باردة شوي مافيه حماس أيضاً عندهم LAB ( معمل ) يحتوي على اجهزة الحاسب وكل طالب له جهاز كمبيوتر خاص فيه ويعطى الطلاب سيديهات خاصة بالوحدات الدراسية لكي يتم الطالي من التعرف على الوحدات المنهجية ولنتشيط الإستماع لدية _ اتوقع كمان المعهد البريطاني عندو هالخاصية كمان اخوي حفيد اتمنى اكون افدتك وإي استفسار او شيء يدور ببالك انا مستعدة اجاوبك عليه... اتمنى لك التوفيق ... والمعذرة على الإطالة ... . . . همس الشفايف ... |
رد: الافضل في تعليم اللغه الانجليزيه بصراحة استفدنا من طرحك يالغالي ولعلي افيد من بحولي |
رد: الافضل في تعليم اللغه الانجليزيه المعهدالسعودي البريطاني يؤؤؤؤه حلو مره بس ماني رايق كل مره ادخل حي السفارات تفتيش ,, أكيد بيكون فيه تأ خير ,, بعدين بعيد عني ,, سعودي أشكر مداخلتك ,, همس معهد الاداره اول مره اسم عنه انه يعطي دورات انجليزيه ,, لاكن معلومه جديده همس الشفايف ,, يعطيك العافيه وافيه في معلوماتك ,, الله يجزاك خير ,, والله الظاهر اني اخترت دايركت سمعته حلوه معتمد شهادته من وزارة التربية والتعليم تحت اشراف جامعة المللك سعود وهذا مايهمني اللي يهمني التعليم صح ,, وامتحان تحديد المستوى موجود عندهم ,, وانت تختار المستوى اللي تبي ,, وعندهم معمل متكامل ,, يعطيك العافيه مره اخرى ,, أنا قررت بروح دايركت انجلش بالدايري الشرقي أقرب لي ,, اتصلت عليهم وقولون في مدرسيين بريطانيين وفيه عرب انت تختار ,, وهذا حلو ,, الله يوفق ويكتب اللي فيه الخيره ,, شاكر لكم تعاونكم ,, |
رد: الافضل في تعليم اللغه الانجليزيه حفيد اجل الكورس حقكم ساعتين باليوم <<< دارسة فيه أيضاً فيه ساعات كونفرزيشن وهذا أحلا شيء فيهم تجلسون على طاولة وحدة انت وإلي معك ومعكم أستاذكم ويطرح لكم توبك معين وتجلسون تتكلمون فيه وتناقشون بعضكم فيه ... وراح يكون عندكم جداول طبعاً حفيد فيه دورات كونفرزيشن منفردة يعني تروح تأخذ محادثة بس يعني إذا ماتبي تدرس منهجهم تقدر تاخذ برنامج المحداثة فقط بالنسبة لفترات الدوام في فترة في الصباح وفي أيضاً في المساء والمساء فترتين الأولى من اربع - لست والثانية من ست - لثمان انا آخذت الفتره الأخيرة والمعهد كله يسكر الساعة 9 مساءً >>> اسكت احسن ههههههههههههههه آآخر شيء فيه برريك ربع ساعة صلاة وهذا أحلا شيء بس انتبه حفيد ترى ساعات ينسون الصلاة انتم ذكروهم مثلنا ننشب لهم لانوا إلي درستي مسيحيه بالتوفيق خيو ... |
رد: الافضل في تعليم اللغه الانجليزيه ياحظك هههههههههههه اي فيه كل اللي ذكرتي ,, سجلنا معاهم ما أحتجت الى مستوى تمهيدي ولا اساسي الحمد الله ,, اعطوني اختبار تحديد مستوى مدته 15 دقيقه ,, 40 سؤال ,, ثمن مقابله شفهيه والحمد الله اجتزتها ,, بعدين الدوام تغير ,, يوجد مسائي حالياً من 5 الى 7 طوال الاسبوع وعاطوني شنطه فيها أشرطه وشريط فيديو وثلاث كتب ,, قالوا تعال من السبت الجاي ,, وعسى الله يوفق ,, دعواتكم بس لا توصين همس الشفايف الصلاة اهم من دراستهم ,, شاكر لك مداخلاتك ,, |
رد: الافضل في تعليم اللغه الانجليزيه حفيد آى مستوى ..؟! |
رد: الافضل في تعليم اللغه الانجليزيه مستوى أول ,, التمهيدي والتأسيسي ما أحتجت لهم ,, |
رد: الافضل في تعليم اللغه الانجليزيه اقتباس:
للتوضيح الأخ عالي مستواه يقصد دايركت انجلش لانو نيوهورايزن مقتصرة على الكمبيوتر فقط ودايركت انجلش ونيوهورايزن في العموم تابعة لشركة الخليج ولو تلاحظون انو نيوهورايزن ودايركت انجلش غالباً يكونون بنفس المبنى ولكن لكل واحد منهم الإدارة والموظفيين الخاصيين به وسلامتكم ... |
رد: الافضل في تعليم اللغه الانجليزيه اقتباس:
حفيد انصحك تحول للثاني او الثالث الأول يعطونهم A B C لانو مسمى التمهيدي والتأسيسي واحد ... حفيد شف لي لون الكتب أخضر و إلا رصاصي <<< ملقوفة الرصاصي تمهيدي الأخضر المستوى الثاني معليش يعني على اللقافة بس ماودي انك تدخل مستوى ماتستفيد منه لانو انا سويت امتحانهم وكان مستواي ادخل الثالث وانت حرام تدخل الاول وتضيع وقتك وكمان فيه وحدة من صديقاتي معي بس هي دخلت التمهيدي = الأول بس قلت لها تحول لانه هالمستوى للناس المييح مرة وحولتها معي << ما آخلي اح بحاله وانا اتوقع انو انت دخلت المستوى الثاني وانت تقول عنه الأول حفيد المستوى الأول = التمهيدي او التأسيسي عرفت انت الحين المستوى الثاني وكتابك لونة اخضر (زيتي ) تبي اقولك اول درس ههههههههههههههه ههههههههه بالتوفيق |
رد: الافضل في تعليم اللغه الانجليزيه http://www.alkhaleej.com.sa/de_programs.php هنا رابط الخليج للتدريب والتعليم .. http://www.alkhaleej.com.sa/images/div_nhs.gif نيوهورايزن دايركت إنجلش http://www.alkhaleej.com.sa/logos/ENG/DE.jpg حفيد على فكرة راح تحصل صورة هذا الله يستر عليه معلقينها على جدرانهم مدري وش قصته ... وكمان فيه صور لغيره مرززه على جدرانهم ودي اعرف سرها http://www.alkhaleej.com.sa/images/de1.jpg |
رد: الافضل في تعليم اللغه الانجليزيه Ham$$ el Shf@if شوفي سلمك الله نصيحك في محلها أختي وأشكرك على أهتمام للموضوع ,, أنا أخذت من نفسي المستوى الاول وهو غير التمهيدي والاساسي بيختلف عنه تماماً أنا شفت مناهجهم قبل أختار المستوى ,, بس قلت له أنا أبي اول ,, قال لو تبي الثالث الرابع حطيتك ما عندنا مشكله قلت لا أنا أبي من جديد ,, قلت أبي أجدد معلوماتي فيه اشياء تنقصني ,, قال براحتك ,, على طاري A B C فيه واحد قروي يقراها أبك ههههههههههههههه لاكن أختي توقعك كان في غير محله كتبهم لوناه كحلي مدري أزرق ههههههههه مستوى أول ,, الثاني لسى ما شفته يالنسبة الموقع على علم منه دخلت عليه قبل وشفت محتواه ,, يعطيك العافيه على مجهودك ,, ماقصرتي ,,وبالنسبة للصوره شفتها بعد عندهم بالفرع معلقينه ,, راح أسئل لك عنه مادامك تبين تعرفين سرها هههههههههههههه شاكر لك ومقدر لك شرحك الوافي ,,دمتي بخير حفيد |
| الساعة الآن 09:13 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..