محمد السهلي (أبو هلا) على كرسي الإعتراف

الوطن معناه يكبر بالوجود=ويستمد البوح باحساسٍ نِدي
له حروفي والمعاني والورود=والمشاعر كنها طفل يْعِدي
كل يوم وحبه بقلبي يزود=من نهاياتي لساعة مولدي
انتمائي للوطن ما هو حدود=ولاقصيد ولا بساطٍ أحمدي
انتمائي يحتوي صدق العهود=لانتهى بي كل معنى يبتدي
حبنا للدارمن عصرالجدود=وِرث من جدي وابعطيه وْلدي
ما يزعزع حبنا هرج الحقود=ومن يخون الدار لا بد يغدي
الوطن شامخ رغم كيد الحسود=بحكمة اللي رد كيد المعتدي
الوطن يفداه ضباط وجنود=وكلنا من دون أرضه نفتدي
الحميا ما تبي قلبٍ شرود=والمواقف ما تبي شخصٍ ردي
للوطن نهج ومضامين وقيود=وكل مسلم فوق أرضه يسعدي
وبالتسامح والمبادي والصمود=كل غادي للشريعه يهتدي
دارنا أرض الرساله بالوجود=ما وطاها أي فاسق عربدي
دارعز.ودار خير.ودارجود=في غلاها نقرب اكثر ونغدي
والسفيه اللي جزاها بالجحود=ليل يجتاحه ظلامٍ سرمدي
ومن نواها بالخديعه ما يعود=يكشفه رب العباد ويقتدي
دارنا من دونها نسل الفهود=المليك اللي بنظراته مدي
كم مسح دمعة يتيمٍ بالخدود=وفي يمينه مدة الكف بْردي
بالمشاعرصادق احساسه يجود=وضحكة حجاجه (هلا بك يا بْعدي)
ربنا يحفظ لنا آل السعود=وصيتهم بالعزمن فوق الجدي

**
**