الاياوقت وين اللي على بالي يجي ويروح=هذاك اللي ملك قلبي وتفكيري ووجداني
اموت بطيفه اللي لا لمحته تنتشي بي روح=احس اني اذا شفته كأني بعالم ثاني
احبه والامل باني في قلبي من غلاه صروح=حبيبي لويمر طيفه يبدد ماضي احزاني
احبه حب لو يدري عن اللي بخافقي من بوح=نسى كل الزعل وارخص حياته دون حرماني
تحملت كل خطا منه واذا اخطا بعد مسموح=حبيبي ماعليه ازعل اذا اخطا وخطاني
تذكرته وانا ناسي ونسيته والوفا مجروح=غريبه حالتي والله وهو ذكراه بنسياني

البارحه يوم كلن نام يا نايف=اخوك ماهوب لا نايم ولا واعي
يحوف قلبه من همومه مية حايف=من غير همٍ قديمٍ بين الاضلاع
همٍ يزعزع جبال طويق والطايف=مخفيه لي مدةٍ مع باقي اوجاعي
لا شك ماني من غدر الزمن خايف=اعرف دخولي بعدما اعرف مطلاعي
لكن الايام منها خاطري عايف=لو انها تجربة عمر وتمتاعي
يلوفني عن مقاصد خاطري لايف=وامشي مع الدرب وعيوني لمرجاعي
لا عاد تنشد عيوني ويش انا شايف=مافي عيوني يسولف لك عن اوضاعي