|
قصيده مهداه لهذا المنتدى وخاصة المكشاتيين هذه القصيده مهداه مني لمنتدى الرجال الطيبين منتدى مجالس الرويضة وخاصة للمكشاتيين ونرغب من اخواننا شعراء المنتدى اتحافنا بمالديهم والى القصيده: سلامي على اهل المنتدى طيبين الفال***رجالن تحفظ الدين ماتخلف المله ليا جيتهم اهلا وسهلاعلوم رجال ***وراس الهرم بالمرجله دوم تحتله مكاشيت وعلومن تنومس على ماقال *** بعيده عن الميلات ماتقرب الزله هذولا تراهم يهتوون القنص بالحال *** وتلقى زهابه فوق جيبه معه شله ولامنهم اللي فيه رجه وزود خبال *** ولاهم شبابن بالتفاحيط منحله وسلامتكم القصيده منقوله . |
صح لسانك على القصايد المهداة منك تسلم والله ابو نواف على القصايد الجميله ولاهنت |
صــــح لسـانك يأبو نــــواف ....ولاهنت على هالقصيـده ...اتاريك شاعر واحنا ماندري...انا من شفت بيـت الشعر هههههههه كل سنه تسوي له تطوير وانا خابرن انك شـاعر هههه مأقصرت ويعطيك العافيه على النـقل الطيـب ...والطيب مايجيب الا طيـب تحياتي لك علي عفـيش... |
صح لسانك ابونواف ولسان قايلها وتسلم على الاختيار |
تسلم يابو نواف على هذه القصيد وفعلا احسنت الاختيار واهلا وسهلا بك |
قالوا (ابو نواف ) في القصيم قلت أكيد رايح يرهــّم الجيب جاء وقت المكاشيت واثاريك رايح تدوّر على القصيد -- منقول -جميل وحياك ابو نواف وانتبه لنفسك مواريك مواري شاعر |
قول وفعل وكلام جميل واعتقد ان هذا الكلام الحلو ينطبق عل عزيزي ابو نوااااف وعلى قولة الأح على مايجي من الطيب الا الطيب ,,,,, |
ابو عقارب اول شي مساك الله بالخير مشكور على مرورك ولاهنت علي العفيش بيض الله وجهك على جهودك ورايتك بيضاء وانا شاعر بس وين اللي يصقل المواهب <<<<< يمكن في المنتدى مشكور على مرورك |
محمد بن تركي انا اذا شفتك تذكرت العيد احس انك تجلب لي السعاده حتى لو لم اراك مرورك على متصفحي شرف كبير لي اشكرك على هذا التعريج ولنا لقاء نبض الحياة اسم جميل يذكرني باسم بشخص عزيز محفوظ لدي في دليل الهاتف اشكرك على مرورك |
الاستاذ محمد السهلي يابو هلا الله يهديك معقوله ما تعرفني انا شاعر كبير في النقل :D مساك الله بالخير ومشكور على المرور الطيب انت الطيب والطيب ما يجي منه الا طيب مشكور على الكلام الحلو |
صح لسانك يا ذيبان ويعطيك العافيه |
صح بدنك يالكشات ولا هنت |
لاهنت يابو نواف اختيار ونقل جميل كل التحايا لك |
| الساعة الآن 10:05 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..