| |
  |
 |
| |||||||
| احتواء ما لا يحتوى للمواضيع التي لاتندرج تحت اي قسم |
 |
| | LinkBack | أدوات الموضوع | إبحث في الموضوع | تقييم الموضوع | انواع عرض الموضوع |
| |
17-12-2007, 11:56 PM
| |||||||||
| |||||||||
حجازي يستهين في حقوق المراة ..
وانا اتصفح احد المواقع شدني احد الاعضاء بموضوعه وهو يسب في المراة قلت اجيب الموضوع واخلي الاعضاء والعضوات يناقشونه ويقولون ايش رايهم بكلامه .. الاخ حجازي من جداااه .. وهذا المقال مع اختصاري للبقيته : قال حقوق المرأة ... قال ما يرفع ضغطي شَ ي زَي كلمة حقوق المرأة .. وبالذات في السعودية .وهادي المشكلة طلعت متى؟ بعد 11 سبتمبر .... سبحان الله .. يعني كانوا من ألف وأربعمية سنه نايمين ... وفجأة كده صحيوا وقالوا: وه ياندامة .. إيش هادا؟ أتْـرِنُّو إحنا لنا حقوق؟! مادام كده ... الإنتخابات البلدية ليه ما نشارك فيها؟ وليه ما نروح هناك ونرقع بالصوت؟ يا أختي حلال عليكم البلدية كلها .. يعني إيش تبغوا تسووا؟ تحطوا ضوابط إصدار الرخص لمحلات الحلاقة مثلا؟ والا تناقشوا سفلتة الشارع اللي يودي على بيت أم إبتسام؟ والا ليه الشارع الفلاني ما فيه كوفيرة مغربية وكل اللي فيه مصريات؟ يا أختي ريحي راسك .. اذا كثير من الرجال ما سوُّوا حاجه ... بالله عليكي حتسيبي بيتك وعيالك وشغلك ... عشان تناقشي مشروع إنتخابي؟ هادا من تمام الفضاوه. طيب قولوا لوحْده زواج أختها الليلة: بلاش تروحي للكوفيره اليوم يا مدام وتعالي نناقش حقوق المرأة أو نحضر المجلس البلدي و نتخذ قرارات مهمة .. وأترك لكم جوابها .. إيش يكون أما عن حقوق المرأة في السعودية .... فياسيدي الست هنا لها حقوق وواجبات ما تتنازل عنها. مثلا: في بلدان كثير عربيه وأوروبيه تلاقي شحط طويل عريض جالس في الباص ...وقدامه وحده في الشهر التاسع واقفه على رجولها وشايله طفل تاني على كتفها ... إن الشحط يتحرك؟ ... أبدا...إن الثور يحس؟ ..........لايمك ن. لكن هل يمكن يحصل هادا في السعودية؟ أبدا ... واللي يبغى يجرب ...... الطريق قدامو .... يا عمي العملية كلها دلع حريم في دلع حريم ... رايح أعطيكم بعض الأمثلة وقولوا لي مين اللي آخِد حقُّو بالكامل وزياده؟ وهل عندنا المرأة متساوية مع الرجل .. والا هي أحسن مِنُّو؟ قال حقوق المرأة .. قال. منظر عام رجال محترمين زي الورد واقفين أمام صراف في بنك .. وتِجي أختنا في الله (اللي يقولو إنها مهضومة الحقوق) تتقدم للصراف مباشرة ولا على بالها من الطراطير اللي واقفين من ساعات .. وبعضهم مستأذنين من عملهم. طيب ليه ما توقِّف تِمسك سِرا ورا عشرين بنغالي... وتلاتين باكستاني... وخمسين سعودي... واثنين معقبين معاهم شوية فواتير مقاس إكس لارج ... وإذا أحد كلمها وقال لها أتفضلي يا أختي ترد عليه وتقول: لا، معليش. المرأة زَيّ الرجال ....... خليني في الطابور ..... زَيِّي زيكم؟! .... ليش ما تقول كده؟! ... والا هي تماحيك وبَس! ونفس المنظر في الجوازات ....... والأحوال .. والتأمينات .. ويقدر أحد ... يقول إنه من ظهر أبوه .... يفتح فمه؟ ... على طول يسمع العبارة الشهيرة .... ( عيب عليك .... إنت ما تستحي؟ ... هذه حرمة...إنت ما عندك أهل!)) ....ويضطرالراجل إنُّه ينكتم ويسكت ... بل إن المرأة تشفع للراجل جوزها عشان يتقدم على الرجال الباقين. في المطار .. مثلا .. ما تشوفهم يطلِّعوا العوايل أوَّل .. وبعدين بقية الركاب؟ قال حقوق المرأة ... هه! اقتصاديا شوف الراجل... السبع... الغضنفر... المفتري...لُه ثوبين أو ثلاثة في السنة .. يروح بيها العمل، ويحضر بيها عزايم وزواجات، ويقابل بيها كبار المسؤولين، الخ، الخ، الخ. والمرأة بسلامتها ... بقيمة أدوات مكياجها فقط... تقدر تفتح محل خياطة رجالي محترم. ويا ريت تحط من مكياجها في البيت .... لأ. دا بَس للخروج ... وقيمة صباع روج والا علبة بودره تساوي قيمة جوال جوزها ..... وكمان ازيدك من الشعر قصر .. مو بيت ... من حقوقها فستان لكل فرح... و مكياج... و كوفيرة...وجزمة .......وشنطه. وكمان خُدوا هادي ...... سابع بنت عمي ..... ملكة أخت جارتنا ...... ولازم هديه ... واللطخ يدفع ..... مو مهم الفلوس جات من فين ..... المهم يدفع ..... والدنيا ممكن تنقلب على الراجل واللي خَلَّفوه علشان موضوع (مهم وحيوي) زي كده ... ايش رايكم يا اعضاء بركلامو .. بلى فشكلوه ..  |
|
27-12-2007, 01:55 AM
| |||||||||
| |||||||||
رد: حجازي يستهين في حقوق المراة .. حقوق المرأة قد يكون هذا الكلام ينطبق على مجتمع معين ولكن لو أتيناا لحقوق المرأة الفعلية يجب أن يتم النظر فيها في أمور حقاً يطلق عليها بأسم حقوق وليس بتلك الحقوق بنظرة المجتمع وأتخاذه حولها بأساليب خاطئة ويطلق عليها فقط أنجاز للمرأة في المجتمع دون النظر لمحتوى هذا الأنجاز الحقيقي الذي قدمته الدولة لها وبعض النقاط بما ذكرت بالنص السابق لاتدخل لها بالحقوق وأنما إحترام الذات وتلك( الحرمة) بمفهوم تفسير كلمة الحرمة وحقيقة هنالك مبالغة في بعض هذي الأمور نجدها مثل ماذكر بالنص السابق شاكر لك هذا الموضوع تحيتي |
|
27-12-2007, 03:39 PM
| |||||||||
| |||||||||
|
رد: حجازي يستهين في حقوق المراة .. الشكر لمرورك اخ جسد |
|
27-12-2007, 04:20 PM
| |||||||||
| |||||||||
|
رد: حجازي يستهين في حقوق المراة .. محجوووووووووووو وووووووووووووز للعودة بمشيئة الله وموضوع ينادي اهل المداخلات
|
|
27-12-2007, 04:42 PM
| ||||||||||||||||||||||
| ||||||||||||||||||||||
رد: حجازي يستهين في حقوق المراة ..
بالطبع لأن الظاهرة حقيقة تجعل النفوس تشمئز وتخلي كل ذا لب يصيح بأعلى صوته السعوديات للأسف أغلب همومهن تجاهـ كشختها ومسلتزاماتها ومايهمها كيفية توفيرها من قبل الرجل الأهم هو تحقيقها وبأسرع وقت وبدون جدال وإلا راح تقلب البيت غم وهم على الكل أتمنى ماتزعلوا مني اخواتي ولكن الغالب موجود هالشئ ومثل ماقلت بالبداية اتحدى من ينكر ذلك .... مع خالص حبي وتقديري ..!
| ||||||||||||||||||||||
|
| مواقع النشر (المفضلة) |
|
|
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| الله يجازي مـن يسـوي سواتـك | محمد | صهيل القصيد | 16 | 27-10-2009 12:37 PM |
| شكراً يابوش .. للشاعر عبد الناصر حجازي | محمد | صهيل القصيد | 10 | 29-12-2008 08:21 PM |
| اجمل ما قيل عن المراة | ابو طارق | الوقاية خير من الف علاج | 27 | 16-10-2008 07:07 AM |
| حجازي يحكي لاولاده قصة الزير سالم | كنق الفياض | مساحة للضحك والفرفشة | 8 | 01-08-2008 04:20 PM |
| حكم وامثال عن المراة | الماسة وحساسة | احتواء ما لا يحتوى | 8 | 18-04-2008 03:39 PM |
 |  |
العرض المتطور
