ياسمين السلام عليكم ورحمة الله وبركاته http://www.3z.cc/sml/30/0001.gif http://img204.imageshack.us/img204/7607/575he1.png http://www.3z.cc/sml/30/0001.gif جبت لكم قصيدهـ بحبها كثيييير وحبيت انقلها لكم،، والقصيدهـ اهي قصه واقعيه لشخص من ربع الشاعر وكان اسم البنت*ياسمين* والقصيدهـ بقلم شاعرها المبدع ( طـارق الـمحياس ) شاعر إماراتي مبدع ومتألق http://www.3z.cc/sml/30/0001.gif http://www.bl101.net/forums/uploads/...1173270856.jpg http://www.3z.cc/sml/30/0001.gif ياسمين ليش قلبك يا بعد عمـري حزيـن والله مب لايق عليك هذا الزعـل يا حلاتك يـوم كنتـي تضحكيـن إفتحي قلبك وقولـي وش حصـل من تجرأ من قطـف هالياسميـن من حرمه الزين قبل مـا يكتمـل من كسر قلبه وشعوره بكلمتيـن ويدري قلبه للعتـب مـا يحتمـل منهو أرخص قيمة الغالي الثميـن ويدري إنه في عيوني لـه محـل ومن يقول الورد ما يقطر حنيـن ومن يقول إنه وسط قلبـي ذبـل يالله قومـي يالله لا تتكيسلـيـن خلي حلمي وياك يوصل لي زحل يالله قومـي يالله لا تتشـاوريـن خلي حبنـا يكـون للعالـم مثـل قالت إصبر قلـت إنتـي تامريـن وطالعتني بعين يملاهـا الوجـل ولا إراديـا ذرفــت دمعتـيـن وقالت إنه الزين أبد مـا يكتمـل قلت قولي لي ترى سـرك دفيـن ما بخبر حد لـو مهمـا حصـل بس دخيلك ما أبي هالدمع يبيـن مب عشان شي بس والله محتمل طالعتني وقلت لهـا شتطالعيـن ما في داعي للعواطـف والخجـل هذا مب وقته في وجهي تسرحين جاوبي إحساس قلبي اللي سـأل قالت الشـدة بعـد فتـرهـ تليـن والفـرح يقبـل اذا باقـي أمـل والشقى لازم في يوم إنـه يهيـن والصعب ياتيه وقت يكون سهـل قلت لها قولي لـي ولا تلمحيـن ما أحب أسمع كـلام ٍ بـه جـدل قولي شالموضوع اذا إنك تسمحين وخلي الخوف اللي فيني يرتحـل قالت أهلي ساومونـي بدرهميـن وقرروا إنهـم يزوجونـي بعجـل جا خطبني شخص قـدي مرتيـن وجابوا المأذون والعقـد إكتمـل وافقـوا لأنهـم بمالـه طامعيـن وبالتجـارة والمراكـز والفـلـل ليش لأ دام إنهم اللـي رابحيـن يمكن إنهم يطلعـون بكـم محـل قالت إلحقني ومد لـي هاليديـن ضاع فكري وطار من راسي العقل من لي غيرك أشتكي له يالضنين عطني رايك عطني لـو ذرة أمـل صرت أنا وياك ضمـن التايهيـن والحزن في دربنـا تـوه إستهـل ليش يا دنيا في وجهي تعبسيـن حظي المايل متـى بـس يعتـدل قالت إتكلم ولـو بـس جملتيـن لا تتم ساكـت تـرى وردي ذبـل قول لي أي شي قول لو كلمتيـن وإنته بس اللـي لأمـرهـ أمتثـل صدمتي كانت معاهـا صدمتيـن صدمتي كانت في هالمـرهـ دبـل كنـت بسألهـا شرايـك تملكيـن دام خذنا الدبلـه والحـب إكتمـل ما نطقت بشي وأنا ميت حزيـن والدمع من فوق وجناتـي همـل قمت أشاهق ما أبي نوحي يبيـن كني خيل بأعلى صرخاته صهـل قمنا نطالع بعـض عيـن ٍ بعيـن مـا تكلمنـا إليـن الليـل حـل قالت إنطق لا تقول إنزين إنزيـن وأنا ساكت والفرح عنـي رحـل كنت أظن إحنا لبعضنـا مكمليـن ما دريـت الحـظ عانـد بالفعـل كنت أنا وحدي في عالمها سجين وكنت أقول الحظ أخيـرا إعتـدل قلت لها أذكر كلامك ليـن إلحيـن يوم تقولي لي تراك أحسن ريـل صحت فجأه وقلت لهـا تتذكريـن يوم كنا نخطـط لشهـر العسـل قلت عشاني قومـي ولا تزعليـن وإرضي بالواقع مدام إنه حصـل إسمك بيبقى وسط قلبـي دفيـن والقمر لازم فـي يـوم بيكتمـل والله بفـرح دام إنتـي بتفرحيـن يالله خلينـا بعـرسـك نحتـفـل وإصفعتني كف ع الخد والجبيـن وقالت إنتـه قاعـد تكلـم طفـل قلت لها وصوتي بنبراته حزيـن إوعديني هالزعـل آخـر زعـل لأنه قلبك ينعرف يـوم تزعليـن والله مب لايق عليك هذا الزعـل ومهما ناديتـك أبـد لا تجاوبيـن قصة الحب إنتهت مـات البطـل إفترقنا بعد كـل هـاذي السنيـن وللأسف حبنا في هالمـرهـ فشـل إنتهى مشـوار أحلـى عاشقيـن كلن بدربـه ولكـن مـا وصـل كل واحد ينسى مع مـرالسنيـن لكن الذكرى أمرهـا مـب سهـل لين آخر يوم في روحي تسكنيـن وصورتك تبقى مثل بـدرإكتمـل في بعض الأوقات أقعد مستكيـن بس افكر لين يذبحني الملل بالفعل قطفوا زهور الياسمين قطفوا الزهرة قبل لا تكتمل http://www.3z.cc/sml/30/0001.gif وهنا القصيدهـ بصوت الشاعر المبدع طارق http://www.3z.cc/sml/30/0001.gif http://www.3z.cc/sml/30/0001.gif اتمنى ان تنال اعجابكم http://www.3z.cc/sml/30/0001.gif وفـ الـ ع ـيـونـ ـا http://www.3z.cc/sml/30/0001.gif |
رد: ياسمين قلت عشاني قومـي ولا تزعليـن وإرضي بالواقع مدام إنه حصـل إسمك بيبقى وسط قلبـي دفيـن والقمر لازم فـي يـوم بيكتمـل وفا صح لسانك ولسان الشاعر طارق المحياس كل الشكر على النقل |
رد: ياسمين قصيده جميله واختيار رائع صح لسانك ولسان شاعرها ولاهنتي |
رد: ياسمين قضيدة رائعه جدا صح لسانك وفا انتي والشاعر الرائع |
رد: ياسمين http://www.viafy.com/uploads/896e2382ca.gifhttp://www.viafy.com/uploads/896e2382ca.gif (`'•.¸(` '•. ¸ * ¸.•'´)¸.•'´) «´¨`.¸.* اختي وفا*. ¸.´¨`» (¸. •'´(¸.•'´ * `'•.¸)`'•.¸ ) صح لسان الشاعر إبداع وإمتاع كلمات في منتهى الروعة والجمال أسعدني وشرفني كثيراً مروري على صفحتك تحية مفعمة بزهور الربيع أقدمها لشخصكـ الكريم http://www.viafy.com/uploads/896e2382ca.gifhttp://www.viafy.com/uploads/896e2382ca.gif http://www.khwa6r.com/vb/ukh/646_1195220309.gif |
الساعة الآن 10:07 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..