للتواصل .. بود

ما يهـون الحـب لله لكـن الفرقـا تعلـه=علة الفرقا خطيره لكـن العـودة عوافـي
الغلا لك في محلـه لكـن أنتـه مـا تدلـه=لو تدله يا رفيقي كـان قلبـك لـي يصافـي
قلبي المسكيـن حبّـك ليـه يالغالـي تتلـه=يوم بعض الناس خانت في ولاها جيت حافي
يا غناة الروح يا بدري ويا شمسـي المطلـه=لو تزيد طعون قلبي لا حشى ما أقول كافـي
كل حرفٍ من قصيدي طيفـك الفتـان ظلـه=اثر ماني بس احبك حبتـك معـي القوافـي
ليه يوم أني طلبـت الـود ماقلتـي علـى الله=كان ما شفتي خفوقي فوق بحر الهم طافـي
تجزلين بمـدة الهجـران وبوصلـي مقلـه=والشعور اللي تخفى بالحشى ماهوب خافـي
ليه حبٍ عـاش شامـخ بيننـا تبغـى تذلـه=حافظٍ حبـك بعينـي والله انـه مـا يشافـي
حبي اللي لـك بقلبـي مايبـي منـي ادلـه=شف حنانٍ من خفوقٍ يوصلك ماهوب جافـي
كان قلبك مـا يبينـي ردي الأحسـاس كلـه=عاشقك يابنت وافي طالعٍ من صلـب وافـي
سيف بعدك ياحبيبي طالبك ،، لا ،، لاتسلـه=لا تماريني بحبـك والله ان حبـي خرافـي
ماتعجب ليه احبك العجـب صرتـي مملـه=ياعذاب اللي تعنا يرتجـي لاحسـاس دافـي
من حبيـبٍ مايثمـن تضحيـت خـلٍ لخلـه=يلعب بدور الصفا والكذب له دور أحترافـي
جاوبيني جاوبينـي كـل شـي ولـه محلـه=مانبي نلعب معك يابنت بالشـوط الإضافـي
كان جيتي لك ورود الحب وازهـاره وفلـه=وان رحلتي ما أضيمك صدقيني ،، لا تخافي

وسلامتكم جميع