|
أضحكوا مع الأعضاء(صادوه) السيف أول الضحايا الساعة الواحدة بعد منتصف الليل الحرارة فوق 38 تعبان ومدهّن فكس وفازلين رجولي أخشن من جبال حرّة المدينه كله من قلّ النظافه تخبرون الشتاء يجيب عمايله مشق مشق مشق حتى في الجفووووووووووو ووووون ياروحي يالجفون الناعسه حتى ولو انها ممشقه ماعلينا . زميلي في العمل مناحي الشيباني صاحب مقالب ويوم اصيده وشهر يصيدني ونغمة رسالة عى الجوال قلت خير ان شاء الله وين هالرساله ضايعه اخر الليل رسايله غرام وهيام وحب وعتاب والشحرورة صباح الله يرحم عتاب . فتحت الرسالة وقريت المكتوب : (( إذا مافيها إحراج أبي منك 500 ريال سلف أبيهم ضروري وبقولك السبب بعدين مالقيت احد اطلبه غيرك )) خذتني النخوة واتصل على ابونايف قلت حدد موقعك يطلع لك السواق الان واللي تبي تدلل . ضحك الاعرابي ضحكة مجلجلة وانا اتلوّى من المغص والحمّــى وقال كمّل الرسالة؟ نزلت تحت بالسهم لقيت مكتوب (سكران يكلم مكينة صرّاف !! ) حسبي الله على ابليسك ياالبدوي رجعت وكلمته قلت ماتخلي حركاتك طيب لو تهربت منك ولارديت على رسالتك وانت تعرفني بخيــّل ويش بتقول عني بكره قدام اللي يسوى واللي مايسوى (أورّيك), تلحفت بالبطانيه وطرى لي طاري اسويها على بعض اعضاء المنتدى وحددت الكل وارسلت وشوفوا المواقف وويشلون صدتهم صيد الحمامه وأولهم السيف ومن هو اللي صادني وقال العب غيرها . راجعين ههههههههههههههه ههه |
رد: أضحكوا مع الأعضاء(صادوه) السيف أول الضحايا ههههههههههههههه ههههههههههه اجل مناحي تصيده مره يصيدك مئة الحمد لله ما صدتني <<< ذيب ما ينصارد بس راسلتها لحفيد وكان نائم ويوم صحى العصر قال عطني رقم حسابك بحولها لك <<<< كريم بانتظار مقالبك يا ابو المقالب |
رد: أضحكوا مع الأعضاء(صادوه) السيف أول الضحايا (السيف ) وسروال السنه اول المتصلين هاتفيا المشرف العام (السيف) وبرجولته المعهوده وكنت واثق انه اول واحد بيتصل لشهامته وبدون مقدمات قال ابوهلا تأمر وين اقابلك انا ساكن في الشفاء بعيد عنك ؟ قلت ابد انا الان في السويدي قريب منك جاي من شمال الرياض لاتقلق واين اقابلك ؟ قال ويش تعرف بالشفاء ؟ قلت اسواق السلوم ؟ هههههههههههههه ضحك وقال خبرك قديم هدموها . قلت طيب عند ثلاجة الحجي ؟ رد وهو معصب كم عمرك ؟ شالوها من 100 سنه تدري قابلني عند بنده مع الجهه الثانيه لأني لو ابجي لك عند موقع ثلاجة الحجي يبي لي ادخل الرياض وسوي ريتيرن من عند سوق الخضار . قلت بسيطه وقف سيارتك عند بنده واقطع طريق الحجاز من الجهة الثانيه سيرا على الاقدام وانتبه على نفسك وتعال لي مع الجهة الثانيه وخبركم طريق الحجاز حق الشفاء من المستحيل تقطعه على رجولك الا اذا كنت مخاطر بحايتك . ههههههههههههههه ه الرجال متحمس قال طيب كم يبغى لك من الوقت قلت 10 دقائق بالكثير الوعد هناك . قفلت الخط بعد ان اعتذرت له عن ظروفي والحاجة الماسه. بعد 4 دقايق يكلمني ميــــّت من الضحك واظن لو كنت عنده فرمني ماتستحي على وجهك حرام عليك اقسم لك بالله اني طالع بسروال السنه في هالبرد من العجله خايف اتأخر وبعد ماركبت السياره رجعت اقرأ الرساله وصدفه نزلت بالسهم والقاه مقلب انت ووجهك حتى ام عبدالله سوّت لي مناحه طالع بالخبل بدون ملابس والجو بارد وماقدرت اقولها باقي القصه والا ّ عطتني كرت احمر . اعرف السيف عصبي اعتذرت له وقلت انا قبل دقايق اكلت المقلب وخيرها في غيرها وقبل يسكــّر الخط قال اوريك وهو يقسم والله يستر منه يارب_ توقعوا من هو الضحية رقم 2 قبل عيد الاضحى؟ وتوقعوا كم بخيل طلع بالمنتدى وتخلى عنــّي ومنهم الاقربون؟ !!!!!!!!!! راجعين |
رد: أضحكوا مع الأعضاء(صادوه) السيف أول الضحايا ههههههههههههههه هههههههههاااااا ي ياساتر حرام عليك من جد مشورة الرجال وكل السالفه مقلب .. بس عادي ضريبة الكرم قدها وقدود يا مشرفنا السيف .. يا الله متشوقه لضحيه الثانيه .. لا وكل الضحايا .. بعد <<< منقهره من سالفة المشوره اللي مشورتها أخوي السيف .. . . ودمت |
رد: أضحكوا مع الأعضاء(صادوه) السيف أول الضحايا المشرف : ابو رنا الضحية الثانيه وهذا قصته قصه طالع على اخوه ابونواااااااااا ف - وماانسى قبل سنتين جانا للرياض ومعه المشرف ابوشيهانه وصمم يعشينا باحد المطاعم على حسابه كنــّا ثلاثه لعب الشيطان في رأسي وولد عمي القريب ابوشيهانه وقلنا له نبغاك تعشينا في مطعم الريف اللبناني اللي بشارع التحليه رخيص واكله نظيف. وافق ابو رنا ودخلنا المطعم كل شيء يوحي بأن الفاتورة بتبرد اقلوبنا الرجال قال اطلبوا اللي تبونه وحتى مايشوف الاسعار سحبنا المنيو وقلنا عطنا قمبري واستكوزا واسماك مشويه وشبمانيا سعودي مهوب اللي على بالكم ههههههههههههههه كثــّروا الصحون وشوربة الحريرة ودقينا في الاكل ويوم راح ابو رنا يغســّل يديه قلت لابو شيهانه الباب ياولد عمي اطلع خله يتورط الفاتورة تدري كم 490 ريال ليتهم كملوا هالعشرة ههههههههههههههه هههههههههه جاك ابورنا للكاشير وعلى باله 150 ريال وجاي وكان مامعه الا 500 ريال جاي يتمشى فيها يوم الخميس . انتظرنا الرجال ععن بعد وهو يقلب الفاتوره فوق وتحت ويتلفت يدور علينا واخيرا دفع الفلوس وطلع علينا يسب ويشتم ووووووووووووووو وووووووو وحنا ميتين من الضحك والساعه حوالي 12 ليلا ومن القهر يتصل على اخوه ابونوووووووواف وعلى الوالده وعلى شباب الرويضه كلهم ماخلى احد ينام يتشكــّى ويتويــّل ياناس 490 ريال ثمن تيس مندي وعلى الاقل لو داري انه غالي كليت كل الصحون اللي رجعت مليانه وصارت سالفة ابورنا ومطعم الريف اللبناني والاربع ميه وتسعين ريال عقدة حالت بينه وبين شارع التحلية من هالوقت للان مايتعدى شارع المرقب والرز البخاري ----------- اما مع 500 ريال كان موقفه غير ------------ تفاجئت بأنه ارسل في الصباح رساله وانا اعرف انه ينوم بعد العشاء كاتب فيها اقسم بالله انه ماعندي الا هالخمسمية الظاهر انك ناوي عليها مثل ذاك العشاء عطني رقم حسابك برسلها لك واريــّح ناوي افصــّل ثوب للعيد ولا الله كتب تستاهلها ابن عمي ............... ...... طبعا ماكلمته طنشته ولاعاد اتصل الظاهر ماصدق خبر . وإلى الضحية رقم 3 اللي من الهبله راح للمسجد الساعه الواحده صباحا يحسب ان الرساله مسج اذان الفجر لانه الاخر ينوم من العشاء مع (-------------------------------) مين تتوقعونه ؟ |
| الساعة الآن 08:10 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..