صرخة الصمت (( صوتية ))

بسم الله الرحمن الرحيم

بدون مقدمات


إليكم:::::::::: :

كتبنا قصايدنا على اوراق مقهوره=و فاضت مشاعرنا من اقلام منحوره
عسانا انتلاحق مابقى من أمانينا=ولكن تأخرنا و الاحلام مقبوره
و قفنا على الأطلال نرثي و نبكيها=و نندب ضياع سنين و القلب به ثوره
تزلزل صروح الليل عل و عسى يرحل=رحل كلِّ عمري و الفجر ما بزغ نوره
حسافة على نزف الحبر يا ورق همي=خسارة مداين كلها بيوت مهجوره
فيا شِعْرُ مهلاً..هل علمتَ بما جرى!!!؟=عصرناك خمراً ... إيهِ ما أروعَ الصورهْ
جعلناكَ فنًّا و الجمالُ بزيفهِ=كسوناكَ وهماً لم و لن يسترِ العورهْ
خيال بخيال و كذبةٍ تلوها كذبة=نكحِّل عيونك من عمى عيوننا العورة
حبيبي ..أنا آسف..و انا ادري العذر أقبح=مِنِ ذْنوب دفتر يصلب الصدق بسطوره
رجيتك خِذِ ايْديني أبرحل عن العالم=على وين ...مدري...أي وطن مانفى زهوره
على باكر اللي مات من قبْل ميلاده=أبعطيه روحي و اقلع الموت من دوره
على الماضي اللي مادرى وش جرى عقبه=و كيف الشجر ينسى أراضيه و جذوره
مهو ياس صحرا من سما مابها ديمة=و لا جلد ذات و صرخة ارواح مكسوره
و لكن حقيقة صوتها نار ما تخمد=سرت في هشيم الوهْم و حروف مدموره
و انا اكتب .. و أكتب .. احْسبِ اني بطفِّيها=أَثَرْني حطبها و اثْرها بحور مسجوره
غريبه بها نبحر و تسلم مراكبنا=أو انْها رماد و كلنا فاقد شعوره
و يا مين واعي..الكلِّ في غمرته ساهي=أحد ضاع في همه و احد طاع ديجوره
(و انا) (صوت غربه) حِلْمَهِ بْلاد تسمع له=(أنا) ( زهور ليلك) من بساتين مبتوره
أخاف الذبول يخون عطر الأمل فيني=أخاف الجفاف يطول و تموت ناعوره
و ناي النهر يخرس..و صوت القحط يعلى=و تنبت مواجع داخل اعشاش عصفوره