|
اركب سيارة زي الناس .... السلام عليكم ورحمة الله وبركاته اخواني موضوع اليوم وبصراحه نعيشه هنا وهناك وخاصه بالرياض عندنا وفي المدن الكبيره مثل جده وغيرها لماذا..؟؟ الخوف هل له دورفي ذلك خلال الايام الماضية كانت معي سياره لقريب لي وصراحه فخمة للغاية لمدة يومين وكانت من نوع مرسدس ( ماي باخ) ولكن ليتني لم اقودها أو أستخدمها كل من في الشارع يحترمني ثلاث مواقف سأذكرها لكم باختصار : الموقف الاول : ذهبت الى احدى المحلات التجاريه لم أجد موقف فأوقفت السيارة خلف احد السيارات جاء صاحب السيارة تلك وشغل سيارته وجلس ينتظرني في سيارته ولم يستخدم حتى البوري جلست قرابة العشر دقايق خرجت بعدها وكنت أتوقع ان صاحب السيارة سوف يكون غاضباً أعتذرت له بلطف فقال بالنص عادي يا اخوي .. الموقف موقفك والله لو اني بسيارتي الشخصية كان دخل المحل وقلب عاليها سافلها الموقف الثاني: كنت رايح المطار أستقبل احد الزملاء كنت ماشي ( بدون مبالغة ) 200كلم في الساعة ومريت بجوار الرادار اللي موجود قبل مطار الملك خالد الدولي توقفت بعدها عند نقطة التفتيش توقعت حمل ياولد للسطحه كما يفعلون حجز السيارة او توقعت مخالفه وبكل أدب وأحترام وأخلاق قال لي العسكري : تفضل طال عمرك ولو أني بسيارتي الشخصية كان حمل ياولد للحجز بمجرد ما أتجاوز 120 كلم الموقف الثالث : وصلت المطار وقفت سيارتي امام بوابة المطار وبجوار سيارة العسكري وقلت له عن أذنك بستقبل خويي وراجع بعد شوي قال خذ راحتك .. أصلاً اليوم ما فيه زحمة نص ساعة بالضبط وانا في المطار وخرجت والعسكري كعادته يصارخ على الجميع قدّم يا راعي السيارة الفلانية امشي يا راعي السيارة العلانية وطبعا باستثناء سيارتي الى هذا الحد وصل الحال بمجتمعنا لا نحترم الشخص الا بسيارته ومظهره الخارجي كان من المفترض أن تبقى معي هذه السيارة قرابة الاسبوعين ولكن بعد يومين فقط أوقفتها عدت الى سيارتي وعدت لاحترام انظمة المرور والى البحث عن مواقف زي الناس لاني أدري لو وقفت ورى واحد كانت اعلوووووووم وامووووووور لانعرف مخرجا لها دمتم بود منقول |
الله يخلف علينا يالسفير كل يوم قسيمة ولا يوم فيه تنازل وياويلك لو وقفت خطأ او تجاوزت خطا نحن لانعترض على النظام فهو مطلب الجميع ولكننا نطالب بالمساواااااااا ااااة ,, |
عظَّم الله أجرك يا مساواة http://www.shathaaya.com/vb/images/smilies/085.gif كانت ولا زالت ( معك ريال تسوى ريال معك ألف .. تسوى ألف ) للأسَف ..! لكن يبقى لدينا قناعة خاصة الفئة المُثقَّفة أن المظاهر ماهي إلا قشور ضربة .. خاطئة وكل شئ يزول وفي الأخير أكيد هناكَ من يقدِّر الرزق .. بين غني وفقير والبقية في الرضا الذي قلَّما نجده في قلوب البعض . دمتَ بخير السفير ألف شكر تحمل إلينا كل ممتع ومفيد . . . http://www.shathaaya.com/vb/images/smilies/i.gif |
مششكـور أخوي ألـسفير ع ألنقـل ألمميـز |
اللي ما يعرفك ما يثمنك وللي مايعرف الصقر يشويه أمثال ترددعلى مسامعنا والكثير لا يعرف هدفها على العموم المظهـر الحسن احسن من المظهر الغير لائق ولكن بحدود يعني على قد لحافك مد أرجولك ماهو تروح تدور على من يسلفك عشان تكوي الشماغ وأ تستاجر سياره وغيرها ومشكور ماقصرت على الموضوع اللي فعلا يتكلم عن الواقع ودمتم |
| الساعة الآن 07:10 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
-
arab-line : Search Engine Friendly URLs by vBSEO 3.3.0 TranZ By
Almuhajir
... جميع الحقوق محفوظه لمجالس رويضة العرض لكل العرب ...
.. جميع المشاركات المكتوبة تعبّر عن وجهة نظر صاحبها ...ولا تعبّر بأي شكل من الأشكال عن وجهة نظر المنتدى..