عموم اعضاء مجالس الرويضة
السلام عليكم ورحمة الله وبركاته

أقدم لكم هذه المشاركه وآمل ان تحوز على رضاكم الله يرفع مقامكم

يلي غرامك صرفني من هوى غيرك= عزالله أن حبك من البيض صارفني
عذبتني كل يوم في مشاويرك= كله على شان يالغالي تشرفني
إلى متى بنتظر حلمك وتفسيرك= أنا جريحك تعال اليوم وسعفني
أرحم قتيلك ولو مرة كثر خيرك= الحب سقم بحالي والدهر مفني
زل الوعد مادرينا ليش تأخيرك= وتوي تدريت أنك تحاول تصرفني
أشفق على جيتك من زود تقديرك= والخاتمه يوم أجي ماكنك تعرفني
أما تعذر وقدم لي معاذيرك= ولا ليا أخطيت بكره لاتنكفني
الامر كله تحت رايك وتدبيرك= احكم بظلمك ورب البيت ينصفني

الشاعر / مذكر مبارك الصخيل

ياشمعة الحب ياقبلة محبيني = يانور الاعيان ياسيد الغلا كله
ياسلوتي يوم غيرك مايسليني =يامتعة الغي مبري لوعة العله
يلي محبتك تذبحني وتحييني= ياحي هاك الجمال وحي هالطله
طلتك بدر طلع وشبع نظر عيني= وطرات نور القمر يطلع على حله
أضحك وأنا خايف أنك لاتبكيني= وتحدني من نعيم الضل للمله
لاغاب نورك ظلام الهجر يعميني= يلي عطيته غلاي العذب وحتله
أي والله أني أحبك كان توحيني = محبة أهل الشرف والعز والمله
ماهي محبة أعباد طبعها شيني= شله وبالطبع تعشق مثلها شله
مامن وراها طمع دنيا ولاديني= هذاك يحفر لذاك وذاك يدفنله
محبة في الزمن مغير روتيني= أقلوب مقلوبه والاوضاع من حلّه
ولا انت لك منزل في أقصا شراييني= أرد الشراب القراح الصافي وعله
ونكان حبل الوصل بيديك وأيديني= أقبل أقبال الخليل اللي يبي خله
ومن دلة الشوق صبيلي وقهويني= أغلا الفناجيل وأحلا صافي الدله

الشاعر / مذكر الصخيل