أسمحي لي خانك التعبير يامجنونـــه / سعود الغزوانـــي ,

بسم الله الرحمن الرحيم

اليوم أخترت لكم قصيده لشاعر مبدع ويعجبني حرفه كثير لن أطيل عليكــم أتركمــ

الأستمتاع مع هذا الأبداع ..

لي ثمان شهور ما غنيت فـي مزيونـه=والغزل عيّت تهادى سيرتـه بلسانـي
كان فكري والقصايـد كلهـا مرهونـه=للحبيب اللي على وضح النقا صافانـي
كنت مرخص كل هالدنيا لسود عيونـه=كنت اشوف انه هناي وراحتي واوطاني
كنت حتى بالنظر وهو النظـر ماخونـه=وما ملا عيني حدٍ غيره ولا استهوانـي
ولاروى صحرا غرامي كود غيث مزونه=وبالمفيد المختصر ماشوف غيره ثانـي
آآآه لامنّـه تمايـل وانثنـى بغصونـه=تعتريني دهشتي مـن حسنـه الربّانـي
ولّ ياليل الشقا ياشين بعـض غبونـه=كل هذا راح في لحظه وصرت الجانـي
كـل وردٍ بيـن ايادينـا تغيّـر لونـه=راح ماواسيت له حزنـه ولا واسانـي
راح ودروبه وخطواتـه معـي ينعونـه=بعضها يامر بصلح وبعضهـا ينهانـي
الفراق اسهل ولا نمشي خلاف ضعونه=من يقفّي مالـه الا الصـدّ والهجرانـي
للأسف ماكنت اظـنّ الـدرّه المكنونـه=ما يأنبها الضمير وصحـوة الوجدانـي
الله اكبر واضيـاع الكلمـه الموزونـه=الثمر لو راح مانشفق علـى البستانـي
اسمحيلي خانك التعبيـر يـا مجنونـه=تِغضِبين سعود عبدالمحسـن الغزوانـي

.



الشاعر : سعود بن عبدالمحسن الغزوانـــي

دعمنا الفنــي ومدير عام منتديات قبيلــة السهول ..

.

.


ودمتوا