29-09-2012, 04:37 PM
|
| |
رد: بوح الاحساس
يانسيـم الليـل لامريـت للمحبـوب قلـه
المحبه في صميم القلب من بيـن المحانـي
اشهد ان حبه بعد مامـر قلبـي واستحلـه
احتلاله يفرض السلطه على كوفي عنانـي
صرت لعيون المها فالحب دولـه مستقلـه
الغلا شيد صروحه والوفاء يعمـر مبانـي
جيت له كلي وقلبي فاقـده ماهـو محلـه
ادري ان الحب بلوى واشهد ان ربي بلانـي
ياكثر ماسهر واطالع فالنجوم اللـي مطلـه
يوم اناظر بين نجم الجدي وسهيل اليمانـي
مايذوق النوم من يشكي من الايـام علـه
سامح الله صاحبي كانه بعد حبـي نسانـي
ودي اسولف معه واشرب معه فنجال دلـه
من كفوفه لاعطا فنجال هيـل و زعفرانـي
جيت ضامي غير بل الريق بالمعسول بلـه
لايهمك هرج عذال الهـوى والعمـر فانـي
عاشقك يشتاق لك والدمع من عينه يهلـه
القى الا صورتك ماشاف غيرك شي ثانـي
ماكتبت الشعر من شان الجريده و المجلـه
اتبه للي تثنـى مثـل عـود الخيزرانـي
غير كان الشوق مع طول المدى سيفه يسله
جبت لي عيدً قبل عيد الضحيه و رمضانـي
من يلوم القلب وش دراه فالموضوع كلـه
لايلوم القلب لين ايحط نفسـه فـي مكانـي |