مجالس الرويضة لكل العرب - عرض مشاركة واحدة

#1 (**permalink**) 09-02-2008, 12:29 PM

مرحبا ياحي صـوت مقـره بالصميـم
صوت من يبعد عن القلب حزنه مع شقاه
ثابة(ن) بقصى ضلوعي غلاه ومستديـم
جعل عـذال المحبـه فـدا خلـي فـداه
نادر وصفه وأظنه بعـد شبـه العديـم
جل من صور جمالـه وكملـه أبحـلاه
كاحل ربي عيونه عليـه اسـم الرحيـم
يوم غيره حط كحلن من السوق أشتـراه
مثل نور البدر وجهه وعنقه عنق ريـم
والبرد في مبسمه حاضنـه جمرالشفـاه
كن عوده عود مياس راويـن مستقيـم
ضامر خصره وصدره على بشـة نبـاه
لا وقف وقفت كسير القدم لـوه سليـم
ينثني من خصره وردفه أيشيـل العبـاه
ولاهرج في كلمته هيبة الرجـل الحكيـم
ولا زعل كلّ يدور على بسمـة رضـاه
الحبيب الوافي اللي على قلبـي حشيـم
عل منهو لا يمن قلبي أ يُلوعـه غـلاه
كل مبطى رده الشـوق شفقـان وهيـم
وكل مبعد عنه أعود وأنا ميـت ضمـاه
وكل ما يطرونه أيهبهب الغربـي نسيـم
وأنشي به عشق وأتوه في وادي هـواه
العمر كل العمر دوم فـي وصلـه نعيـم
دام هم الصدر لا شفتـه بعينـي جـلاه
هو هواي ودنيتي بذر حبـه مـن قديـم
و النقاء وأحلى معان المعـزه محتـواه
صوته اللي تل قلبي وجرحـي مستليـم
والله أن أموت والحب له محـد سـواه

سيف بن مهنا لاهنت ياذيبان وصح السانك وعلى ربي مقدارك وشانك ولاهنت يالغالي وسلمت اناملك على القصيده الاكثر من رايعه

وتبي تصويت بنصوت لك ابشر يالغالي عندي .